Աստծո հանդեպ վստահությամբ, այս պատերազմը կշարունակվի մինչև վերջ, մինչև ձեր նվաստացումը
«Խաթամ ալ-Անբիա» կենտրոնական շտաբի հայտարարությունը․
Ինչպես արդեն ասել ենք, մենք հայտարարում ենք ամերիկա-սիոնիստ թշնամիներին՝ ռազմական հզորության և սարքավորումների մասին ձեր տեղեկատվությունը թերի է: Դուք ոչինչ չգիտեք մեր հսկայական և ռազմավարական հնարավորությունների մասին:
Հույս չունենաք, թե ոչնչացրել եք մեր ռազմավարական հրթիռների արտադրության կենտրոնները, հեռահար հարձակողական և կետային անօդաչու թռչող սարքերը, ժամանակակից հակաօդային պաշտպանության և էլեկտրոնային պատերազմի համակարգերը, ինչպես նաև հատուկ սարքավորումները, քանի որ այդպիսով միայն կխորացնեք այն ճահիճը, որում հայտնվել եք:
Ձեր երևակայության մեջ թիրախավորված կենտրոնները աննշան են, և մեր ռազմավարական ռազմական արտադրությունը շարունակվում է այնպիսի վայրերում, որոնց մասին դուք տեղյակ չեք և որտեղ երբեք չեք կարողանա հասնել:
Մենք կթեթևացնենք ձեր բեռը՝ մի հաշվեք մեր հրթիռները, անօդաչու թռչող սարքերը և ռազմավարական սարքավորումները, քանի որ դուք անպայման կսխալվեք և արդյունքի չեք հասնի։
Դուք պետք է վճարեք այն ագրեսիայի գինը, որը սկսել եք պատվավոր, սիրելի և մուսուլման Ժողովրդի նկատմամբ:
Ամենազոր Աստծո հանդեպ վստահությամբ՝ այս պատերազմը կշարունակվի մինչև ձեր վերջնական նվաստացումը, զղջումը և հանձնվելը։
Մինչ օրս կրած ուժեղ և անհավանական հարվածների ու ապտակներից հետո, սպասեք մեր ավելի ջախջախիչ, ավելի լայն և կործանարար գործողություններին։