Ղարիբաբադի. Գնդակն ԱՄՆ-ի դաշտում է՝ ընտրելու դիվանագիտության կամ առճակատման ուղին
Իրանի փոխարտգործնախարարը Թեհրանում մի շարք երկրների դեսպանների և օտարերկրյա դիվանագիտական առաքելությունների ղեկավարների հետ հանդիպման ժամանակ ասել է. «Իրանը Պակիստանին ներկայացրել է պարտադրված պատերազմը վերջնականապես դադարեցնելու իր ծրագիրը։ Հիմա գնդակն ԱՄՆ-ի դաշտում է և պետք է ընտրել դիվանագիտության կամ առճակատման ուղին»։
Pars Today-ի փոխանցմամբ՝ Քազեմ Ղարիբաբադին շաբաթ օրը հանդիպել է Թեհրանում մի շարք երկրների դեսպանների հետ և նրանց ներկայացրել Թեհրանի վերջին առաջարկը՝ Իրանի դեմ ԱՄՆ-ի և Սիոնիստական ռեժիմի վարած պատերազմի և ագրեսիայի դադարեցման վերաբերյալ։
Հանդիպման ժամանակ Ղարիբաբադին ընդգծել է, որ Իրանի Իսլամական Հանրապետությունը վճռականորեն պատրաստ է հետ մղել իր տարածքի և ժողովրդի դեմ ուղղված ցանկացած ագրեսիա, հավելելով, որ ԻԻՀ միշտ հավատացել է խնդիրները լուծելու համար փոխշահավետ դիվանագիտությանը։
Նա նշել է. «Իրանը որպես միջնորդ հանդես եկող Պակիստանին ներկայացրել է պարտադրված պատերազմը վերջնականապես դադարեցնելու իր ծրագիրտ, և այժմ գնդակը ԱՄՆ-ի դաշտում է՝ ընտրելու դիվանագիտության կամ բախման շարունակության ուղին»։