Փեզեշքիան. Տարածաշրջանային տնտեսական ինտեգրացիան կայուն աճի և ընդհանուր բարեկեցության բանալին է
Իրանի նախագահ Մասուդ Փեզեշքիանը Եվրասիական տնտեսական միության Գերագույն խորհրդի նիստին ուղղված իր ուղերձում Իրանի Իսլամական Հանրապետության ակտիվ ներկայությունը այս միությունում համարել է անդամ և դիտորդ երկրների հետ առևտրային, տնտեսական և ռազմավարական համագործակցությունը զարգացնելու Թեհրանի վճռականության նշան։ Նա ընդգծել է, որ Եվրասիական անդամների հետ համագործակցությունը երկարաժամկետ ռազմավարություն է՝ տարածաշրջանային ինտեգրացիան ամրապնդելու և ընդհանուր տնտեսական, մշակութային և աշխարհագրական կարո
Հղում անելով ԻՌՆԱ-ին՝ Pars Today-ը հաղորդել է, որ Փեզեշքիանը, անդրադառնալով անցյալ տարվա ընթացքում Իրանի և Եվրասիական միության անդամ երկրների միջև տնտեսական փոխազդեցությունների աճին, նշել է, որ առկա կարողությունները գերազանցում են փոխանակումների ներկայիս մակարդակը, և որ այդ հնարավորություններից օգտվելու համար պետք է ամրապնդվեն նոր ֆինանսական ենթակառուցվածքները, այդ թվում՝ ազգային արժույթների փոխանակման մեխանիզմները և վճարային համակարգերում անկախությունը։
Իրանի նախագահը նաև անդրադարձել է Իրանի ակտիվ անդամակցությանը BRICS-ի և Շանհայի համագործակցության կազմակերպության նման կառույցներում, և Եվրասիական տնտեսական միությունում նրա ներկայությունը համարել է առևտրի, էներգետիկայի և տեխնոլոգիաների ոլորտներում համագործակցությունը ընդլայնելու Թեհրանի լուրջ կամքի նշան։ Նա ընդգծեց, որ տարածաշրջանային տնտեսական ինտեգրացիան կարող է հիմք հանդիսանալ կայուն աճի, տնտեսական անվտանգության և ընդհանուր բարեկեցության համար՝ արտաքին ճնշումների և պատժամիջոցների պայմաններում։