Չալդրանը պատրաստ է հյուրընկալելու Թադեի վանքի ուխտագնացության 72-րդ արարողությունը

Իրանի հյուսիս-արևմուտքում գտնվող Չալդրան շրջանի ղեկավարը հայտնել է, որ շրջանը լիովին պատրաստ է հյուրընկալելու Թադեի վանքի ուխտագնացության 72-րդ արարողությունը

Նրա խոսքով՝ միջոցառումը կանցկացվի հուլիսի 16-ից 18-ը՝ քրիստոնյա ուխտավորների մասնակցությամբ։
Չալդրանի ղեկավար Սամադ Աքբարին նշել է, որ արարողության անցկացման ընթացքում ներքին զբոսաշրջիկների մուտքը Թադեի վանք արգելվելու է, որպեսզի միջոցառումն անցկացվի պատշաճ և հանգիստ պայմաններում։
Pars Today-ի հաղորդմամբ՝ Աքբարին տեղեկացրել է նաև Արևմտյան Ատրպատական նահանգի արհեստների ցուցահանդեսի կազմակերպման և նահանգի պատմական ու զբոսաշրջային տեսարժան վայրերը ներկայացնող բրոշյուրների տարածման մասին։
Նա ընդգծել է, որ արարողության պատշաճ կազմակերպումը հնարավորություն է՝ ներկայացնելու նահանգի կրոնական զբոսաշրջության ներուժը և ցուցադրելու գործադիր մարմինների, Հայոց թեմի առաջնորդարանի և համապատասխան կառույցների համագործակցությունը։