Իրանի բանակը անօդաչու թռչող սարքերով թիրախավորել է Քուվեյթում ԱՄՆ-ի երեք ռազմաբազաները
ԻԻՀ բանակը «Սաեղե» գործողության քսաներեքերորդ փուլում ԱԹՍ-ներով թիրախավորել է Քուվեյթի Ալ-Դոհա, Ալի ալ-Սալեմ և Արիֆջան ռազմաբազաներում տեղակայված ԱՄՆ-ի բանակի կենտրոններն ու ստորաբաժանումները։
Հղում անելով Իրանի հեռուստատեսության լրատվական ծառայությանը, Pars Toda-ը հաղորդում է, որ Իրանի բանակը հինգշաբթի օրը «Սաեղե» գործողության քսաներեքերորդ փուլում հարվածային անօդաչու սարքերով թիրախավորել է Քուվեյթի Ալ-Դոհա ռազմաբազայում տեղակայված ԱՄՆ բանակի զինամթերքի պահեստներն ու նյութատեխնիկական ապահովման պաշարները, Ալի ալ-Սալեմ ռազմաբազայի վառելիքի պահեստները, ինչպես նաև Արիֆջան ճամբարի զինամթերքի պահեստները։
Մյուս կողմից, Իսլամական հեղափոխության պահապանների կորպուսը, պատժելով ԱՄՆ-ի մանկասպան բանակին և պատասխանելով Իրանի Իսլամական Հանրապետության տարածքի դեմ կրկնվող ագրեսիաներին, կայծակնային հարձակումներով թիրախավորել է ամերիկյան ռազմաբազաները և ոչնչացրել Հորդանանում տեղակայված ԱՄՆ-ի THAAD հակահրթիռային պաշտպանության համակարգի մեկ ռադարը։
Նաև թիրախավորվել և ոչնչացվել են մեկ Patriot համակարգ և մեկ C-RAM ռադար, իսկ ամերիկյան ռազմաբազայի վառելիքի պահեստները հրդեհվել են։
Հաղորդվում է, որ այրվել և ոչնչացվել են նաև ուղղաթիռային տեխնիկայի մեծ պահեստ և ուղղաթիռների վերանորոգման ու սպասարկման մեկ անգար։
