The Wall Street Journal. Իրանը ամրապնդում է իր պաշտպանական ամրությունները

Ամերիկայի Միացյալ Նահանգների կողմից նոր հնարավոր ագրեսիային դիմակայելու նպատակով Իրանի պաշտպանական ամրությունների ամրապնդմանն է անդրադարձել The Wall Street Journal թերթը։

Pars Today-ի հաղորդմամբ՝ The Wall Street Journal-ը գրել է, որ ուսումնասիրությունները ցույց են տալիս՝ Իրանը բարձրացրել է ԱՄՆ-ի կողմից նոր ագրեսիային դիմակայելու իր պատրաստվածության մակարդակը և ամրապնդել պաշտպանական ամրությունները, մասնավորապես՝ միջուկային օբյեկտների շրջակայքում։

Հաղորդման համաձայն՝ Իրանի Իսլամական Հանրապետության պաշտոնյաները հայտարարել են, որ ԱՄՆ-ի կողմից երկրի դեմ նոր ագրեսիայի դեպքում Իրանը կպատասխանի ավելի կոշտ կերպով, իսկ հարձակումների շրջանակը կընդլայնվի։

Հաղորդման մեջ նշվում է նաև, որ Իրանը միջնորդներին տեղեկացրել է՝ նոր ագրեսիայի դեպքում տարածաշրջանում գտնվող ամերիկյան ռազմանավերը՝ իրենց անձնակազմերով հանդերձ, թիրախ կդառնան։ Հարձակումների թիրախում կհայտնվեն նաև Պարսից ծոցի արաբական այն երկրները, որոնք իրենց տարածքում հյուրընկալում են ամերիկյան ռազմական բազաներ։