Ղասեմի.«ԱՄՆ-ի կամայական շրջափակումները հակասում են Համատեղ քայլերի ծրագրին»
Իրանի դեմ շրջափակումները երկարաձգելու մասին ԱՄՆ-ի Սենատի և Ներկայացուցիչների պալատի որոշումը հակասում է Համատեղ քայլերի ծրագրին և ԱՄՆ-ի հանձնառություններին»,-ասել է ԻԻՀ ԱԳՆ խոսնակը:
Ուրբաթ օրը, հակադարձելով Իրանի դեմ շրջափակումների երկարաձգման մասին ԱՄՆ-ի որոշմանը, Բահրամ Ղասեմին հայտարարել է, որ ԱՄՆ-ի Սենատի և Ներկայացուցիչների պալատի որոշումը հակասում է Համատեղ քայլերի ծրագրին և միջազգային իրավունքների համաձայն, այլ երկրների ներքին ու միջազգային հարաբերություններին չմիջամտելու ԱՄՆ-ի հանձնառություններին:
Բահրամ Ղասեմին հավաստիացրել է, որ ԱՄՆ-ի կառավարությունը պատասխանատու է այդ երկրի միջազգային հանձնառությունների դիմաց և ԱՄՆ-ի ներքին քաղաքական զարգացումները չեն կարող պատճառ հանդիսանալ միջազգային պարտավորությունները չկատարելու համար:
«Իրանը հարգում է իր միջազգային հանձնառությունները , սակայն պատրաստ է ցանկացած պայմանում պաշտպանել իր ժողովրդի իրավունքները»,-ասել է Ղասեմին:
Նա ընդգծել է, որ Իրանն այդ հարցով հետևում է ԱՄՆ-ի կառավարության քայլերին և համապատասխան զեկույց կներկայացնի Համատեղ քայլերի իրագործմանը հետևող կոմիտեին` այդ հարցով անհրաժեշտ որոշումներն ընդունելու համար:
Հինգշաբթի օրը, ԱՄՆ-ի Սենատը 99 կողմ և ոչ մի դեմ ձայնով, ևս 10 տարով երկարաձգել է Իրանի դեմ շրջափակումները:
Ավելի վաղ, նախագիծը հաստատել էր ԱՄՆ-ի Ներկայացուցիչների պալատը:
