Լարիջանի.«ԱՄՆ-ը սարսափի մեջ է»
Իրանի իսլամական խորհրդարանի նախագահի խոսքերով, ԱՄՆ կառավարության կողմից Իրանի քաղաքացիների մուտքի արգելքը վկայում է նրանց հայտարարությունների ու քաղաքականության անհեթեթության մասին:
Իրանի ռադիո-հեռուստատեսության լուրերի ծառայության հաղորդման համաձայն, հունվարի 29-ին կայացած իսլամական խորհրդարանի դռնբաց նիստում, Ալի Լարիջանին ասել է .-«ԱՄՆ կառավարության կողմից իսլամական երկրների, մասնավորապես Իրանի քաղաքացիների մուտքն այդ երկիր արգելելը վկայում է մարդու իրավունքների պաշտպանության և ժողովրդավարության կեղծ դիմակով ծածկված նրանց ռասիստ ու բռնի բնույթի մասին»:
«Ոչ մեկի համար գաղտնիք չէ, որ վերջին տարիներին Իրանը միայնակ է կանգնել ահաբեկչության դեմ : Իրանի իսլամական հանրապետությունը շարունակելու է պայքարել ահաբեկչության դեմ».- ասել է Լարիջանին:
Իսլամական խորհրդարանի նախագահի խոսքերով, ԱՄՆ կառավարությունն այսօր հայտնվել է թույրիմացության ու սարսափի մեջ:
