Այաթոլլահ Խամենեի.«Բահմանի 22-ին Իրանի ժողովուրդը կպատասխանի ԱՄՆ-ի սպառնալիքներին»
Երեքշաբթի օրը ԻԻՀ բանակի օդուժի մի խումբ հրամանատարների ու պաշտոնյաների հետ հանդիպման ժամանակ, իսլամական հեղափոխության մեծարգո Առաջնորդն ասել է.-«ԱՄՆ-ի նորընտիր նախագահն իր հայտարարություններով ապացուցել է, որ վերջին 38 տարիների ընթացքում այդ երկրի պետական համակարգում տիրող կոռուպցիայի մասին Իրանի կողմից հնչեցրած քննադատությունները ճիշտ են»:
Անդրադառնալով ԱՄՆ-ի նախագահի այն հայտարարությանը, թե Իրանը պետք է շնորահակալություն հայտնի ԱՄՆ-ի նախկին նախագահին, մեծարգո Առաջնորդն ասել է.-«ԱՄՆ-ի նախկին կառավարությունն Իրանի դեմ սահմանած շրջափակումներով միտում ուներ հարվածել Իսլամական համակարգին: Սակայն նրանց և մյուս թշնամիներին չհաջողեց այդ նպատակին հասնել»:
Փետրվարի 7-ին` Հոգելույս Իմամ Խոմեյնիի հետ Իրանի բանակի ռազմաօդային ուժերի պատմական զորակցության օրը, բանակի օդուժի մի խումբ հրամանատարներ ու պաշտոնյաներ հանդիպել են Իսլամական հեղափոխության մեծահարգ Առաջնորդին:
Մեծարգո Առաջնորդ Այաթոլլահ Խամենեին ասել է, որ այդ օրը պատմական մեծ նշանակություն ունի Իրանի հեղափոխության համար: «Շահական ռեժիմի ժամանակ Իրանի օդուժը մեծ կապեր ուներ ԱՄՆ-ի հետ, մինչդեռ Վաշինգտոնը երբեք չեր սպասում, որ մեծ հարված է ստանալու հենց նրանցից». ասել է Այաթոլլահ Խամենեին:
Իսլամական հեղափոխության մեծահարգ առաջնորդն ընդգծել է.-«Իսլամական համակարգին հակառակվելը և թշնամիների վրա հույս դնելը սխալ է»:
