Իրանի խորհրդարանի նախագահ.«ԱՄՆ-ն վախենում է Իրանի կարողություններից»
Իրանի իսլամական խորհրդարանի նախագահն ասել է.«Ամերիկացիները վախենում են միջուկային համաձայնությունից հետո Իրանի տարածաշրջանային հնարավորությունների մեծացումից ու կարողություններից»:
Փետրվարի 12-ին հեռուստատեսային հարցազրույցում նշելով ,որ Իրանին հակադրվելով ամերիկացիների նպատակը միայն միջուկային հարցը չէ, Ալի Լարիջանին ասել է.«ԱՄՆ-ի խնդիրը ոչ միայն Իրանին այլև շատ երկրներին է վերաբերում»:
«Թրամփի կառավարության իշխանության գալուց հետո, ԱՄՆ-ի և այլ երկրների միջև առաջացած խնդիրները բխում են այդ երկրի ներքին հարցերից» ասել է Լարիջանին: Նրա խոսքերով՝ ԱՄՆ նոր նախագահը փորձում է սխալ քայլերով, ինչպես այդ երկիր մուտք գործող 7 մուսուլմանական երկրի քաղաքացիներին վիզա չտալով և ԵՄ-ին հակադրվելով , կարգավորել այդ երկրի ներքին խնդիրները:
Նշելով ,որ Իրանը անցնող 38 տարիների ընթացքում միջազգային հարաբերություններում մեծ փորձ ունի, Իրանի իսլամական խորհրդարանի նախագահը հստակեցրել է.«Թեհրանը առկա պայմաններին համապատասխան որոշումներ է ընդունում տարբեր հարցերի վերաբերյալ»:
ԱՄՆ նոր նախագահը Սպիտակ Տուն մուտք գործելուց ի վեր մշտապես սպառնացել է Իրանին,բայց Իրանի պատասխանատուներն ու ժողովուրդը իրենց ճիշտ դիրքորոշմամբ և մասնակցելով բահմանի 22-ին իսլամական հեղափոխության հաղթանակին նվիրված քայլարշավին, կտրականապես պատասխանել են ԱՄՆ-ի սպառնալիքներին:
