Մեծացել են Իրանի նավթի արտահանումների ծավալները դեպի Եվրոպա
Իրանի նավթի փոխնախարարի խոսքերով՝ դեպի եվրոպա Իրանի նավթի արտահանումների ծավալները օրական 500 հազար բարելից բարձրանալու է ՝ առաջիկա երկու ամիսներին օրական 800 հազար բարելի հասնելով:
«ԻՌՆԱ» գործակալության փոխանցմամբ՝ Ալի Քարդարն ասել է.«Մինչև 2017 թվականի ապրիլի 20-ը Իրանի նավթարտադրությունն օրական 4 միլիոն բարելի է հասնելու»:
Քարդարի խոսքերով՝ 2017 թվականի փետրվարին Իրանի անմշակ նավթի միջին արտադրաչափը կազմել է օրական երկու միլիոն 298 հազար բարել:
Իրանի նավթի արտահանումների նոր շուկաների մասին նա ավելացրել է, որ «Շել» , «Տոտալ» և «Անի» ընկերությունները յուրաքանչյուրը երկու միլիոն բարելի բեռնվածքով նավթ են գնել Իրանից:
Իրանի նավթի փոխնախարարի խոսքերով՝ ռուսական, գերմանական, ֆրանսական ու ճապոնական ընկերությունները հետազոտական նախագծեր են ներկայացրել Ազադեգան նավթադաշտի ուսումնասիրման համար:
