Ստորագրվելու է Իրան-Հունգարիա միջուկային համագործակցության փաստաթուղթը
Իրանի ատոմային էներգիայի կազմակերպության խոսնակ Բեհրուզ Քեմալվանդին հայտնել է, որ կազմակերպության ղեկավարի և Հունգարիայի փոխվարչապետի առաջիկա հանդիպմանը կստորագրվի Իրանի և Հունգարիայի միջուկային համագործակցության մասին փաստաթուղթը:
Չորեքշաբթի օրը ԻՌՆԱ-ին տված հարցազրույցում Բեհրուզ Քեմալվանդին հավելել է.«Առաջիկա շաբաթ օրը՝ ապրիլի 8-ին Թեհրանում Իրանի ատոմային էներգիայի կազմակերպության ղեկավար Ալի Աքբար Սալեհիի և Հունգարիայի փոխվարչապետ Ժոլտ Շեմյենի հանդիպման ժամանակ ստորագրվելու է Իրանի և Հունգարիայի միջուկային համագործակցության փաստաթուղթը»:
Քեմալվանդին հստակեցրել է.«Այս փաստաթուղթը ստորագրվում է երկու երկրների պաշտոնյաների փոխայցելությունների՝ այդ թվում Իրանի ատոմային էներգիայի կազմակերպության ղեկավարի Բուդապեշտ կատարած այցի արդյունքում»:
Հունգարիայի փոխվարչապետ Ժոլտ Շեմյեն երեքշաբթի երեկոյան Սպահան կատարած այցի ընթացքում տեղեկացրել է միջուկային էներգետիկայի ոլորտում Իրանի հետ համագործակցության ընդլայնման պայմանագրի ստորագրման մասին:
