Ռոհանի.«Իրանը վճռականորեն շարունակելու է համագործակցել Ռուսաստանի և Սիրիայի հետ»
Մայիսի 27-ին ՌԴ նախագահ Վլադիմիր Պուտինի հետ ունեցած հեռախոսազրույցում ԻԻՀ նախագահ Հասան Ռոհանին ասել է.«Թեհրանն աջակցում է ՄԱԿ-ի դիտորդությամբ Սիրիայում հրադադարի ռեժիմի պահպանմանն ուղղված Իրան-Թուրքիա-Ռուսաստան եռակողմ գործակցությանը»:
«Բոլոր երկրները պետք է համախմբվեն՝ տարածաշրջանում կայունության հաստատման և ահաբեկչության դեմ պայքարի համար».ավելացրել է Ռոհանին:
Նշելով, որ Թեհրանը հարգում է Համատեղ գործողությունների համապարփակ ծրագրի հարցում իր հանձնառությունները, Ռոհանին ընդգծել է.«Իրանը պատրաստ է իրականացնել Ռուսաստանի հետ իր միջուկային համաձայնությունը»:
ԻԻՀ-ի նախագահի պաշտոնում վերընտրվելու կապակցությամբ Հասան Ռոհանիին շնորհավորելով, Վլադիմիր Պուտինը նշել է.«Սիրիայում Ռուսաստանը և Իրանը ներկա են այդ երկրի օրինական կառավարության ցանկությամբ ու հրավերով և դա իրականացվում է միջազգային իրավունքների շրջանակում»:
ՌԴ նախագահն անդրադարձել է ՀԳՀԾ-ն հարգելու անհրաժեշտությունն, ասելով.«Թեհրանը և Մոսկվան ընդլայնելու են էներգետիկայի ոլորտում իրենց համագործակցությունը»:
