Բոռուջերդի. Ամերիկացիների գործունեությունը խախտում է ՀԳՀԾ-ի շրջանակը
Իրանի իսլամական խորհրդարանի ազգային անվտանգության և արտաքին քաղաքականության հանձնաժողովի նախագահն ասել է. «Թեև ամերիկացիներն այնպես են ձևացնում, որ ՀԳՀԾ-ին հակառակ որևէ քայլ չեն ձեռնարկում, սակայն նրանց գործունեությունը խախտում է ՀԳՀԾ-ի շրջանակը»:
Երեքշաբթի օրը, Իրանի ռադիո-հեռուստատեսության երկրորդ կայանին տված հարցազրույցում Ալլաեդդին Բորուջերդին հավելել է. «Ամերիկացիներն առերևույթ ստորագրել են միջուկային համաձայնությունը, սակայն գործնականում համարվում են այդ համաձայնության գործադրման ճանապարհին առկա գլխավոր արգելքը»:
Իրանի իսլամական խորհրդարանի ազգային անվտանգության ու արտաքին քաղաքականության հանձնաժողովի նախագահը նաև ընդգծել է. «Նկատի առնելով տարածաշրջանում տիրող անապահովությունն, անվտանգության բնագավառում Իրանը հաջող վկայական ունի»:
Անդրադառնալով Ռիադում գումարված վերջին նիստին, Բորուջերդին ասել է. «Այս նիստը նպատակ ուներ քողարկել տարածաշրջանում Արաբիայի վերջին տարիների բազմաթիվ ձախողումները»:
«Արաբիան այդ նիստը գումարելով փորձում էր ուժ ցուցադրել, մինչդեռ ամերիկացի պաշտոնատարներ ավելի վաղ հայտարարել էին, որ Ռիադում իրենց ներկայությունը Արաբիայի ֆինանսական աղբյուրներից օգտվելու պատճառով է»,-հայտարարեց Բոռուջերդին:
