Իրանի ազգային անվտանգության խորհրդի գլխավոր քարտուղար.«ԱՄՆ-ն օգտագործում է ահաբեկչությունը»
Իրանի ազգային անվտանգության խորհրդի գլխավոր քարտուղար՝ Ալի Շամխանին ասել է.-«ԱՄՆ-ն տարածաշրջանում օգտագործում է ահաբեկչական խմբերին»:
Ֆրանսիական «Ֆիգարո» պարբերականին տված հարցազրույցում Ալի Շամխանին հստակեցրել է.-«ԱՄՆ-ն օգտագործում է ահաբեկչական խմբերին՝ իր ռազմավարական նպատակների իրականացմաննպատակով: Իսկ ԻԼԻՊ-ին հովանավորելու շրջանակում, այդ երկիրը հարձակում է իրականացնում Սիրիայի բանակի և նրանց դաշնակիցների դիրքերի դեմ»:
ԻԼԻՊ-ի կողմից Իրանին սպառնացող վտանգի մասին Շամխանին ասել է.-«Տարածաշրջանի որոշ երկրներ ԻԼԻՊ-ին օգտագործում են որպես ճնշման լծակ մյուս երկրների դեմ, իսկ ԻԼԻՊ-ի թաքֆիրական գաղափարների սնուցողը Սաուդյան Արաբիան է»:
Իրանի ազգային անվտանգության խորհրդի գլխավոր քարտուղարն ասել է.«Սաուդյան Արաբիան նավթային գումարներով և վահաբիական գաղափարներով ահաբեկիչներ է պատրաստում»:
«Վերջին տարիների ընթացքում Իրանը ֆինանսական և մարդկային մեծ կորուստներ է տվել իր սահմանների անվտանգությունը ապահովելու համար և շարունակելու է պայքարը ԻԼԻՊ-ի դեմ»:
