Թեհրանում մեկնարկել է ահաբեկչության դեմ պայքարի աշխատանքային խմբի միջազգային նիստը
Երկուշաբթի օրը, Թեհրանում մեկնարկել է «Քալքան» կոչվող ահաբեկչության դեմ պայքարող աշխատանքային խմբի 13-րդ միջազգային նիստը:
Երկօրյա նիստին ներկա են Իրանի ներքին գործերի նախարար Աբդոլռեզա Ռահմանի Ֆազլին, ԻԻՀ իրավապահ ուժերի հրամանատար՝ բրիգադային գեներալ Հոսեյն Աշթարին և Ինտերպոլի գլխավոր քարտուղար Յուրգեն Շթաքը:
Քալքանը գյուղ է Ղրղզստանում, որտեղից անցնում է ահաբեկչության դեմ պայքարի ճանապարհը և հենց այդ պատճառով նիստն այդ անվանումն է ստացել:
Նիստի ընթացքում Իրանի իրավապահ ուժերի միջազգային բաժնի ոստիկանապետ, գեներալ Մասուդ Ռեզվանին ասել է.«Երկօրյա նիստում քննարկվելու են միջազգային ոստիկանության կարողությունների համատեղման, արտասահմանյան ահաբեկիչների հայտնաբերման և նրանց տեղաշարժերի կանխման, նպատակների սահմանափակման և ահաբեկչության ֆինանսական աղբյուրների դիմագրավման հարցերը»:
«Քալքան» ահաբեկչության դեմ պայքարող աշխատանքային խմբի 13-րդ միջազգային նիստին մասնակցել են 75 պաշտոնյաներ 30 երկրներից: