Զարիֆ. ԱՄՆ-ի պահվածքն ու հայտարարությունները վկայում են նրա չար նպատակների մասին
Իրանի ԱԳ նախարարը Թուիթերում կատարած գրառման մեջ նշել է. «Հակառակ ԱՄՆ-ին, Իրանը բարյացակամությամբ համադրվել է ՀԳՀԾ-ի ոգուն ու բովանդակությանը, սակայն ԱՄՆ-ի քայլերն ու հայտարարությունները վկայում են նրա չար նպատակների մասին»:
ԻԻՀ ԱԳ նախարար Մոհամմեդ Ջավադ Զարիֆն ուրբաթ օրը թուիթերյան իր անձնական էջում գրեց. «ՀԳՀԾ-ում բերված ցանկացած բառի շուրջ մանրակրկիտ բանակցություն է կատարվել»:
«Իրանը միջուկային զենք չի արտադրել ու չի էլ արտադրելու, հետևաբար չի էլ արտադրելու այ տեղափոխելու կարողություն ունեցող որևէ սարք»,-հավելել է Զարիֆը:
Իրանի ԱԳ նախարարն այն պայմաններում է նման հայտարարություն կատարել, երբ ԱՄՆ-ի Ներկայացուցիչների պալատն ու Սենատը ՀԳՀԾ-ի գործադրման ընթզցքին խանգարելու նպատակով, վավերացրել են Իրանի դեմ շրջափակումների խստացման նախագիծը:
ԱՄՆ ԱԳ նախարարության խոսնակ Հիսեր Նաուերթը հինգշաբթի օրը կատարած արտահայտություններում հավակնեց, որ արբանյակ փոխադրող իրանական «Սիմորղ» հրթիռի արձակմամբ ՀԳՀԾ-ի ոգին ոտնահարվել է:
