Իրանն ապահովում է Սիրիայի դեղորայքային պահանջի մի մասը
Սիրիայի դեղագործների արհմիության նախագահը տեղեկացրել է Սիրիայի դեղորայքային պահանջը բավարարելու համար Դամասկոսի և իրանական ընկերությունների միջև համագործակցության մասին:«Իրանական դեղագործական ընկերությունները ներկայումս ապահովում են Սիրիայի դեղորայքային պահանջարկի վեց տոկոսը»․ նշել է նա:
«Ալ-Վաթան» սիրիական օրաթերթին տված հարցազրույցում Մահմուդ Հասանը նշել է.«Դամասկոսում Իրանի և Սիրիայի դեղագործական առաջին համագումարի անցկացման արդյունքում, ծավալվելու է իրանական ու սիրիական ընկերությունների միջև համագործակցությունը»: Այդ մասին հաղորդել է ԻՌՆԱ գործակալությունը:
«Համագումարում, որը կայանալու է հոկտեմբերին ավելի քան 30 դեղագործական ընկերությունների մասնակցությամբ, քննարկվելու է դեղարտադրման հարցը և փորձերի ու տեղեկությունների փխանակում է կատարվելու»․ հավաստել է Մահմուդ Հասանը:
Նրա խոսքերով՝ պատերազմի պատճառով այսօր Սիրիայում դեղորայքային պակաս կա, որը կարելի է վերացնել իրանական ու սիրիական ընկերությունների համագործակցության շնորհիվ:
