«Իրանի դեմ ամերիկացիների քաղաքականությունը թշնամական է». Բորուջերդի
Իրանի իսլամական խորհրդարանի արտաքին քաղաքականության և ազգային անվտանգության հանձնաժողովի նախագահ Ալաեդդին Բորուջերդին երեքշաբթի օրը Թեհրանում Վիետնամի խորհրդարանի փոխնախագահ ՝ Դո Բա Թայի հետ հանդիպմանն անդրադարձել է ԱՄՆ-ի միջամտությունների դեմ երկու երկրի ժողովրդի մղած պայքարին ու դիմադրությանն ասելով.«Շարունակվելու է ԱՄՆ-ի դեմ պայքարը»:
Խոսելով շրջափակումների վերացման կապակցությամբ Համատեղ գործողությունների համապարփակ ծրագրի մասին, Բորուջերդին ասել է.«ԱՄՆ նախկին նախագահ Բարաք Օբաման խոստավանել է Իրանի միջուկային գիտության գործընթացը դադարեցնելու իր երկրի անկարողության մասին»:
Անդրադառնալով Իրանի և Վիետնամի բարեկամական հարաբերություններին, Բորուջերդին ասել է.«Խորհրդարանները կարևոր դեր ունեն երկու երկրի հարաբերությունների ամրապնդման ու ընդլայնման գործում»:
Վիետնամի խորհրդարանի փոխնախագահ Դո Բա Թայը խոսել է միջազգային շրջափակումների հարցում Թեհրանի և Հանոյի ընդհանուր փորձի մասին, կարևորելով երկու երկրի հարաբերությունների զարգացումը:
Վիետնամի խորհրդարանի փոխնախագահի գլխավորած խորհրդարանական բարձրաստիճան պատվիրակությունը Թեհրան է այցելել:
