Ռոհանի. Ամերիկացիները փորձում են հիասթափեցնել Իրանի ժողովրդին
ԻԻՀ նախագահն ասել է. «Ամերիկացիները սադրիչ քայլեր են ձեռնարկում և նրանց գլխավոր սադրանքն այն է, որ մեր ժողովրդի մոտ երկրի ապագա առաջադիմության ու տնտեսության հանդեպ կասկած առաջացնեն»:
ԻՌՆԱ-ի հաղորդման համաձայն Հասան Ռոհանին երկուշաբթի օրը դատական և օրենսդիր իշխանությունների ղեկավարների հետ համատեղ նիստից հետո ժողովրդից ու պատասխանատուներից շնորհակալություն հայտնելով միասնականությունը պահպանելու կապակցությամբ , անդրադարձավ տարածաշրջանում ահաբեկչության տարածման ու անապահովության ստեղծման ուղղությամբ մեծապետականության ջանքերին: Նա ասաց. «Չնայած բոլոր բարդություններին, տարածաշրջանը թիկունքում է թողնում այս բարդությունները»:
ԻԻՀ նախագահն անդրադառնալով տարածաշրջանի երկրների աշխարհագրական սահմանները փոփոխելու Արևմուտքի ջանքերին, հավելեց. «Այս բնագավառում էլ ջանքերը ձախողվել են ու նրանք չեն կարողացել որևէ հաջողություն արձանագրել»:
«Մենք պիտի ընդլայնենք համագործակցությունն ու լուծում գտնենք տարածաշրջանում առկա տարաձայնությունների համար»,-հայտարարեց ԻԻՀ նախագահն ընդգծելով, որ Արևմուտքը սպառազինություն վաճառելու նպատակով շարունակում է տարածաշրջանում տարաձայնություններ սերմանելու ուղղությամբ իր ջանքերը:
Իրանի գործադիր, օրենսդիր և դատական իշխանությունների ղեկավարների նիստը կայացավ երկուշաբթի օրը՝ իսլամական խորհրդարանումի հյուրընկալությամբ:
