Բորուջերդի. Ղոդսը Պաղեստինի տրոփող սիրտն է
Իրանի իսլամական խորհրդարանի ազգային անվտանգության և արտաքին քաղաքականության հանձնաժողովի նախագահը նշել է, որ Ղոդսը Պաղեստինի տրոփող սիրտն է: «Ղոդսը Սիոնիստական ռեժիմի մայրաքաղաք ճանաչելու ԱՄՆ նախագահի վերջին քայլը դեմ է ՄԱԿ-ի բանաձևերին». ասել է նա:
ԱՄՆ նախագահ Դոնալդ Թրամփը դեկտեմբերի 6-ին Երուսաղեմը Սիոնիստական կեղծ ռեժիմի մայրաքաղաք ճանաչեց և միևնույն ժամանակ հրահանգեց ԱՄՆ-ի դեսպանատունը Թել Ավիվից Երուսաղեմ փոխադրելու համար նախապատրաստական քայլեր ձեռնարկել:
Ալաեդդին Բորուջերդին Թեհրանում Պաղեստինի իսլամական դիմադրության շարժման (Համաս)ներկայացուցիչ Խալեդ Ղոդումիի հետ հանդիպման ժամանակ ընդգծելով որպես իսլամ աշխարհի գլխավոր հարց Պաղեստինի նշանակությունը, հավելեց. «ԻԻՀ քաղաքականությունը եղել և մնում է Պաղեստինի ժողովրդի պաշտպանությունն ու զավթված տարածքների ազատագրումը»:
Իրանի իսլամական խորհրդարանի ազգային անվտանգության հանձնաժողովի նախագահը քննադատելով Ղոդսը բռնազավթած ռեժիմի հետ Սաուդյան Արաբիայի հարաբերությունների կարգավորման քաղաքականությունն, ասել է. «Սիոնիստական ռեժիմի հետ հարաբերությունների կարգավորման ձախողած քաղաքականությունը ճահճուտ է դառնալու Սաուդյան Արաբիայի համար»:
Թեհրանում Համաս շարժման ներկայացուցիչ Խալեդ Ղոդումին հանդիպման ժամանակ նշել է, որ ԱՄՆ-ի քաղաքականությունը Պաղեստինի ժողովրդի հետ պայքարն է: «Թրամփի քայլը վտանգավոր վիճակ է ստեղծելու Պաղեստինի ժողովրդի և միջազգային անվտանգության համար». ասել է նա:
«Արաբական երկրների թուլությունն ընչաքաղց է դարձրել Սիոնիստական զավթող ռեժիմին»,-հիայտարարել է Խալեդ Ղոդումին, քննադատելով Ղոդսը բռնազավթած ռեժիմի հետ հարաբերություններն ընդլայնելու արաբական որոշ երկրների ջանքերը:
