Իսլամական երկրների միջխորհրդարանական միության Պաղեստինի կոմիտեն դատապարտել է Ղոդսի դեմ Թրամփի որոշումը
Իսլամական երկրների միջխորհրդարանական միության Պաղեստինի կոմիտեն ընդգծել է.«Ղոդսի դեմ ԱՄՆ նախագահի քայլը նշանակում է Պաղեստինի ժողովրդի իրավունքների դեմ բացահայտ ոտնձգություն»:
Ինչպես հաղորդում է ԻՌՆԱ լրատվական գործակալությունը, Թեհրանում գումարված Իսլամական երկրների միջխորհրդարանական միության Պաղեստինի կոմիտեի արտահերթ նիստի եզրափակիչ հաղորդագրության մեջ ընդգծվել է Պաղեստինյան հարցի նշանակությունը և Ղոդսը որպես իսլամական ժողովուրդների հավերժ մայրաքաղաքը լինելու փաստը:«Իսլամական ու քրիստոնեական սրբավայրերի պատմական իրավիճակը և Ղոդս քաղաքի բնակչության կազմն ու ինքնությունը փոխելուն ուղղված Սիոնիստական ռեժիմի բոլոր քայլերը զուր ջանքեր են»,ասված է հաղորդագրության մեջ:
«Բոլոր փախստականների երկիր վերադառնալու, օկուպացման ճիրաններից ազատվելու և Ղոդս մայրաքաղաքով Պաղեստինյան պետության ստեղծվելու դեպքում, Պաղեստինի ժողովրդի իրավունքներն իրականություն կդառնան», ընդգծված է հաղորդագրության մեջ:
Իսլամական երկրների միջխորհրդարանական միության Պաղեստինի կոմիտեն Ղոդսը Սիոնիստական ռեժիմի մայրաքաղաք ճանաչելու ԱՄՆ նախագահ Դոնալդ Թրամփի որոշումը Պաղեստինի ժողովրդի իրավունքների դեմ բացահայտ ոտնձգություն է համարել,հավելելով՝ այդ քայլը լարվածության կմատնի տարածաշրջանը և բռնություն ու անարխիա կտիրեն տարածաշրջանում:
