Իրանը դատապարտել է Քաբուլում իրականացված ահաբեկչական հարձակումը
ԻԻՀ ԱԳ նախարարության խոսնակ Բահրամ Ղասեմին դատապարտել է Քաբուլում մահապարտ ահաբեկչի իրականացրած հարձակումը: Աֆղանստանի մայրաքաղաք Քաբուլի մշակութային կենտրոնի և «Ավայ» լրատվական գործակալության դեմ այսօր տեղի է ունեցել ահաբեկչական հարձակում:
Բահրամ Ղասեմին վշտակցությոն է հայտնել Քաբուլում տեղի ունեցած ահաբեկչական պայթյունի հետևանքով զոհվածների հարազատներին և վիրավորներին:
ԻԻՀ ԱԳ նախարարության խոսնակն ասել է.-«Մշակութային կենտրոնների, ԶԼՄ-ների և մտավորականների դեմ ուղղված հարձակումները վկայում են, որ կոպտությունը և ծայրահեղականությունը մերժող նրանց գործունեությունը ատելություն է առաջացնում Աֆղանստինի ժողովրդի թշնամիների և ահաբեկչական խմբերի մոտ»:
Աֆղանստանի մայրաքաղաք Քաբուլում մշակութային կենտրոնի և «Ավայ» լրատվական գործակալության դեմ այսօր իրականացված պայթյունի հետևանքով զոհերի թիվը 30-ի է հասել: Ահաբեկչական հարձակման հետևանքով ևս 40 քաղաքացի վիրավորվել է:
