Ռոհանի.«Իրանը ցանկանում է միասնական Իրաք տեսնել»
Իրանի իսլամական հանրապետության նախագահն ասել է.«Իրանը մշտապես ցանկանում է միատարր ու միասնական Իրաք տեսնել տարածաշրջանում»:
Այսօր, Թեհրանում, Իրաքի խորհրդարանի նախագահ Սալիմ Աբուլլահ Ալ-Ջաբուրիի հետ հանդիպման ժամանակ, նշելով ,որ Իրանի կառավարությունը մշտապես Իրաքի կառավարության ու ժողովրդի կողքին է, ԻԻՀ նախագահ Հասան Ռոհանին հույս է հայտնել, որ Իրաքի ժողովուրդը ակտիվ մասնակցություն բերելով ազատ ընտրություններին, ևս մեկ հաջողություն կարձանագրի այդ երկրի ժողովրդավարության ոլորտում:
«Իսլամական աշխարհի խնդիրները լուծելու համար համագործակցությունից բացի այլ ելք չկա, ուստի իսլամական երկրների երկխոսություններն ու համադրումները պետք է շարունակվեն». հավելել է Ռոհանին:
Նա ընդգծել է.«Պետք է ջանքեր գործադրել երկկողմ հարաբերությունների ընդլայնման ուղղությամբ»:
Սալիմ Ալ-Ջաբուրին իր հերթին նշել է, որ իսլամական աշխարհը կանգնած է ցավալի խնդիրների առջև, որոնց լուծման համար իսլամական երկրների միջև համագործակցությունից ու կառուցողական գործակցությունից բացի այլ ելք չկա: «Իրանը դրական ու կառուցողական դերակատարություն ունի տարածաշրջանի խնդիրների կարգավորման գործում»,ասել է նա:
Իրաքի խորհրդարանի նախագահը Իսլամական համագործակցության անդամ երկրների խորհրդարանների 13-րդ կոնֆերանսին մասնակցելու նպատակով այցելել է Թեհրան:
