Իրան. ԱՄՆ-ի ներխուժումից հետո Աֆղանստանն ավելի ապահով չի դարձել
ՄԱԿ-ում ԻԻՀ ներկայացուցչի տեղակալն ասել է. «Աֆղանստանի դեմ ներխուժումն ու ընդհանրապես տարածաշրջանի դեմ ցանկացած ներխուժում ոչ միայն չի սատարել անվտանգության իրավիճակի բարելավմանն, այլ առավել փխրուն է դարձրել անվտանգությունը»:
ՄԱԿ-ում Իրանի ներկայացուցչի տեղակալ Էսհաղ Ալե Հաբիբն ուրբաթ օրը «Աֆղանստանում ու Կենտրոնական Ասիայում տարածաշրջանային համագործակցությունն անվտանգության ու զարգացման միջև կապի ձևաչափ» խորագրով ԱԽ-ի նիստում ընդգծելով անվտանգության ու զարգացման միջև եղած փոխկապակցվածություն, ասել է. «Իրանի դիտանկյունից Աֆղանստանը ոչ թե մրցակցության, այլ միջազգային համագործակցության ասպարեզ պիտի դառնա և տարածաշրջանային բոլոր երկրներն ու միջազգային հանրությունը պիտի օգտվեն այդ առիթից»:
«Աֆղանստանի հետ տնտեսական համագործակցությունների ամրապնդումը նաև սատարելու է ահաբեկչության դեմ միջազգային պայքարին, քանի որ կթուլացնի ահաբեկչական ու ծայրահեղական խմբերի հանդեպ հակումը»,-ընդգծել է Էսհաղ Ալե Հաբիբը:
Նշելով, որ Իրանը նույն կողմնորոշմամբ անցած մեկ տասնամյակում, որպես տարածաշրջանում անվտանգության ու խաղաղության հաստատման լուծում շարունակ ընդգծել է Աֆղանստանի հետ համագործակցության ամրապնդման անհրաժեշտությունը, նա հավելել է. «Իրանը վերջին մեկ տասնամյակում շուրջ 500 միլիոն դոլար արժողությամբ բարեշինական ու հիմնաշենային ավելի քան 300 մեծ ու փոքր նախագծեր է իրականացրել Աֆղանստանում»:
