Ռոհանի .«Օտարների ոտնձգությունը կամայական քայլ է»
«Օտար երկրները դեմ գնալով միջազգային օրենքներին և ՄԱԿ-ի կանոնադրությանը, ոտնձգում են այդ երկրների դեմ».-ասել է Իրանի իսլամական հանրապետության նախագահը:
Չորեքշաբթի օրը, Թեհրանում, ԻԻՀ բանակի մեծարման օրվա առիթով ունեցած ելույթում, նախագահ Հասան Ռոհանին ասել է.«Ասիայի արևմուտքում ոտնձգիչների ներկայությունն անօրինական է: Այդ տարածքում ահաբեկիչները ծառայում են գերտերություններին»:
Նշելով, որ Իրանի քաղաքականությունը հիմնված է տարածաշրջանի երկրների հետ բարիդրացիական հարաբերությունների վրա, նախագահ Ռոհանին ասել է.«Տարածաշրջանի երկրները չպետք է ձգտեն գերտերություններից կամ տարածաշրջանում անօրինական ռեժիմից գնել իրենց անվտանգությունը»:
«Իրանը կարող է արտադրել իրեն անհրաժեշտ զենքը և չի սպասելու գերտերությունների համաձայնությանը»-ասել է Իրանի նախագահը զգուշացնելով .«Գերտերությունները չպետք է առևտրական մոտեցում ունենան տարածաշրջանի երկրների հետ և մեծացնեն իրենց զենքի գործարանները»:
Նշելով, որ Իրանի զինված ուժերը մեծ դեր են ունեցել տարածաշրջանում կայունության ու անվտանգության հաստատման գործում, ԻԻՀ նախագահը հավելել է.«Օրինական ուժին ապավինելով, ԻԻՀ-ը դրական է պատասխանում տարածաշրջանի երկրների խաղաղության կոչին, քանի որ Իրանն ունի մեծ ժողովուրդ և մյուս երկրների տարածքի կարիքը չունի»:
