Իրանի պահակազորի և բանակի հրամանատարները կարևորել են պատրաստվածության ու պաշտպանունակության բարձրացումը»
Իսլամական հեղափոխության պահակազորի և ԻԻՀ բանակի հրամանատարներն ընդգծել են կանխարգելիչ նպատակների և Իրանի շահերի դեմ ցանկացած հավանական սպառնալիքին դիմակայելու համար պատրաստվածության ու պաշտպանունակության բարձրացման ուղղությամբ համատեղ ծրագրերի իրականացման անհրաժեշտությունը:
«Սեփահ Նյուզ»-ի հաղորդման համաձայն՝ Իսլամական հեղափոխության պահակազորի գլխավոր հրամանատար, Գեներալ-մայոր Մոհամմեդ Ալի Ջաաֆարին, պահակազորի մի խումբ բարձրաստիճան հրամանատարների ուղեկցությամբ, երկուշաբթի օրն այցելել է բանակի գլխավոր հրամանատարության շտաբ, որտեղ հանդիպել ու բանակցել է ԻԻՀ բանակի գլխավոր հրամանատար բրիգադային գեներալ Սեյյեդ Աբդոլռահիմ Մուսավիի հետ:
Հանդիպման ժամանակ, բանակի և պահակազորի հրամանատարները գոհունակություն են հայտնել Զինված ուժերի գերագույն գլխավոր հրամանատարի հրամաններով հանձնարարված առաքելությունների կատարման ընթացքում առկա միասնության, միատարրության ու սրտակցության կապակցությամբ, ինչը զայրացրել ու հուսահատեցրել է թշնամիներին և ձախողել Իրանի պաշտպանունակությունը թուլացնելու և Զինված ուժերում տարաձայնություն առաջացնելու ուղղությամբ նրանց ջանքերը:
Կիրակի օրը, Իրանի Զինված ուժերի գերագույն գլխավոր հրամանատար Այաթոլլահ Խամենեին բարձր է գնահատել Իրանի բանակի գլխավոր հրամանատարության միավորող ու հեղափոխական դիրքորոշումը:
