Գեներալ Ջաաֆարի.«Աշխարհին ապացուցվել է ԱՄՆ-ի անվստահելիությունը»
Իսլամական հեղափոխության պահապանների կորպուսի գլխավոր հրամանատար գեներալ-մայոր Մոհամմադ Ալի Ջաաֆարին ասել է. «Աշխարհում ակնհայտ է դարձել ԱՄՆ-ի խաբեության ու անվստահելիության փաստը և աշխարհի երկրները ընդունել են, որ չպետք է վստահել ԱՄՆ-ին»: Այս մասին հաղորդել է ԻՌՆԱ լրատվական գործակալությունը:
Գեներալ-մայոր Մոհամմադ Ալի Ջաաֆարին կիրակի օրը նշել է. «Միջամտելով աշխարհի քաղաքական, տնտեսական ու ռազմական հարցերին, ԱՄՆ-ն ձգտում է իր շահերն ապահովել ու մեծացնել իր ուժը և բոլորովին կարևորություն չի տալիս աշխարհի զրկվածներին»:
Նշելով, որ իսլամական հեղափոխության հաղթանակի 40-րդ տարեդարձին, թշնամին տնտեսության, անվտանգության ու քաղաքականության ոլորտներում նոր սպառնալիքներ է հնչեցրել Իրանի ժողովրդի դեմ, Իսլամական հեղափոխության պահապանների կորպուսի գլխավոր հրամանատարը հավելել է. «ՀԳՀԾ-ից ԱՄՆ-ն հրաժարվել է Իրանի ժողովրդի դիմադրությունը չեզոքացնելու նպատակով»:
Գեներալ Ջաաֆարիի խոսքով՝ «Դիմադրողական տնտեսության» իրագործումը թշնամիների սպառնալիքներին դիմակայելու միակ ելքն է:
