Իրանի զինվորները վերանորոգել են իրենց ուխտը հոգելույս Իմամ Խոմեյնիի վեհ գաղափարների հետ
Իրանի Զինված ուժերի հրամանատարները և զինվորական կառույցների մի խումբ աշխատակիցներ Խորրամշահր քաղաքի ազատագրման տարեդարձի օրը վերանորոգել են իրենց ուխտը Իրանի իսլամական հեղափոխության հիմնադիր-առաջնորդ հոգելույս Իմամ Խոմեյնիի վեհ գաղափարների հետ:
Մայիսի 24-ը Իրանի հարավ-արևմտյան Խորրամշահր քաղաքի ազատագրման տարեդարձի օրն է: Քաղաքը ազատագրվեց 1982 թվականին: Այս օրը Իրանի իսլամական հանրապետության օրացույցում հռչակվել է որպես «Դիմադրության, անձնազոհության ու հաղթանակի օր»:
Ինչպես հաղորդում է ԻՌՆԱ լրատվական գործակալությունը, ԻԻՀ բանակի, Իսլամական հեղափոխության պահապանների կորպուսի և իրավապահ մարմինների հրանամանատարներն ու աշխատակիցները հինգշաբթի օրը Խորրամշահրի ազատագրման տարեդարձի օրվա առիթով այցելել են հոգելույս Իմամ Խոմեյնիի սրբավայր դամբարան, ծաղկեպսակներ դրել իմամի շիրիմին և հարգանքի տուրք մատուցել Իրանի Իսլամական հեղափոխության Հոգևոր առաջնորդի հիշատակին:Նրանք իրենց ուխտն են վերանորոգել հոգելույս Իմամ Խոմեյնիի և նահատակների վեհ գաղափարների հետ:
