Լարիջանի .«Իրանը դիմագրավելու է ԱՄՆ-ի թշնամական քայլերին»
Իրանի իսլամական խորհրդարանի նախագահն ասել է.«ԱՄՆ-ը պետք է վստահ լինի, որ Իրանի ժողովուրդն անսալով իսլամական հեղափոխության մեծարգո առաջնորդի խորհուրդներին, ամուր քայլերով շարունակելու է դիմագրավել ամերիկացիների ու սիոնիստների թշնամական քայլերին »:
Իսլամական խորհրդարանի կիրակի օրվա դռնբաց նիստում, Ալի Լարիջանին ԱՄՆ նախագահի վերջին հակաիրանական հայտարարությունների մասին ավելացրել է.«Թրամփն այնպիսի հանգամանքներում է խոսում Իրանի դեմ խիստ պատժամիջոցներ սահմանելու մասին, երբ հանդես է գալիս նաև հարցերի լուծման նպատակով Իրանի հետ բանակցելու անհրաժեշտության մասին հայտարարություններով»:
Նշելով, որ քաղաքական դաշտը խելացի հաշվարկների ու հարաբերությունների հարթակ է, այլ ոչ թե քաղաքական անկարգության, Լարիջանին հավաստիացրել է.«Երբ Թրամփն առանց բարոյական հանձնառությունները հաշվի առնելու ոտքի տակ է դնում միջուկային համաձայնությունը, չի կարող ակնկալել, որ իր հայտարարությունները հաշվի են առնվելու»:
Հինգշաբթի օրը, ԱՄՆ նախագահն Իրանի դեմ աննախադեպ պատժամիջոցներ կիրառելու սպառնալիքով հույս է հայտնել, որ Իրանը հավաքական կոնսենսուսի է գալու:
Լարիջանին Սիոնիստական ռեժիմի եվրոպական շրջագայությունը ՀԳՀԾ-ի հարցում ԱՄՆ-ի հետ Եվրոպային համաձայն դարձնելու փորձ է գնահատել: Նա ասել է.«Իրաքում և Սիրիայում ահաբեկիչների պարտությամբ, սիոնիստները նպատակ ունեն տարածաշրջանում մեկ այլ ճգնաժամ ստեղծել՝ ռեժիմի ներքին ու արտաքին խնդիրները կոծկելու նպատակով»:
Նշելով, որ ԻԻՀ-ի պետայրերը Եվրոպայի անտեղի խոստումներին չեն սպասում, իսլամական խորհրդարանի նախագահը հավաստիացրել է.«Եթե Եվրոպան կարող է պահպանել ՀԳՀԾ-ն, ապա պետք է անհապաղ ու պարզ հայտարարի իր որոշման մասին: Հակառակ դեպքում, ԻԻՀ-ը հաջորդ քայլն է անելու և՛ միջուկային և՛ այլ հարցերի վերաբերյալ»:
