Երկուշաբթի օրը սկսվելու է ԻԻՀ նախագահի այցը Շվեյցարիա և Ավստրիա
Գլխավորելով քաղաքական ու տնտեսական բարձրաստիճան պատվիրակություն ԻԻՀ նախագահը այցելելու է Շվեյցարիա և Ավստրիա՝ այդ երկրների նախագահների պաշտոնական հրավերով:
Նախագահի գրասենյակի մամլո վարչության ղեկավար՝ Փարվիզ Էսմայիլին ասել է. «Հասան Ռոհանին Շվեյցարիայի նախագահի հրավերով երկուշաբթի օրը երկօրյա այցով Բեռն է ուղևորվելու»:
Շվեյցարիայում նախագահ Ռոհանին հանդիպում և զրույց է ունենալու այդ երկրի նախագահի և Շվեյցարիայում բնակվող իրանցիների հետ, ստորագրվելու են համագործակցության փաստաթղթեր քաղաքական, տնտեսական ու մշակութային ոլորտներում:
Շվեյցարիայի պաշտոնատարների հետ բանակցելուց հետո ԻԻՀ նախագահը մեկնելու է Վիեննա Ավստրիայի նախագահի հրավերով:
Վիեննայում նախագահ Հասան Ռոհանին հանդիպելու է Ավստրիայի կանցլերի հետ և ստորագրվելու են տարբեր ոլորտներում համագործակցության փաստաթղթեր:
