Իրանի մեծարգո առաջնորդի խորհրդատու.«Իրանն ԱՄՆ-ի սպառնալիքներով չի հեռանա Սիրիայից»
Շեշտելով, որ Սիրիայում Իրանի ու ՌԴ-ի ներկայությունը շարունակվելու է, Իրանի մեծարգո առաջնորդի խորհրդատուն ասել է.«Իրանը ԱՄՆ-ի ու Սիոնիստական ռեժիմի սպառնալիքներով չի հեռանա Սիրիայից»:
Ուրբաթ օրը, Մոսկվայի Վալդայ ակումբում ունեցած ելույթում, Ալի Աքբար Վելայաթին հավելել է.«Եթե Իրանն ու ՌԴ-ն հեռանան Սիրիայից, ահաբեկիչները կրկին իրենց տիապետությունը կհաստատեն Սիրիայում և այս ներկայությունը երաշխավորում է ահաբեկիչների գործողությունների կանխման խնդիրը:
Անդրադառնալով այն խնդրին, որ Իրանը ԱՄՆ-ի նկատմամբ անվստահության պատճառով չի ցանկանում բանակցել այդ երկրի հետ, միջազգային հարցերով Իրանի մեծարգո առաջնորդի խոհրդատուն նշել է.«Իրանը թույլ չի տա, որպեսզի Սիրիան էլ Լիբիայի մոդելով մասնատվի և Սիրիային կօգնի դիմակայել ԱՄՆ-ի ոտնձգություններին»:
Վելեյաթին Սիրիայից Իրանի դուրս գալու մասին ԱՄՆ-ի պահանջը համարել է Թեհրան-Մոսկվա միաբանության խախտմանն ուղղված քայլ, շեշտելով.«Իրանը, Սիրիան, Ռուսաստանը և Լիբանանի Հեզբոլլահը Սիրիայում իրենց գործողությունները համադրելու են միմյանց հետ»:
Իրանի դեմ շրջափակումների վերականգնման հարցով Դոնալդ Թրամփի հրամանի վերաբերյալ Վելայաթին ասել է.«Եթե ՀԳՀԾ-ով չապահովվեն Իրանի տնտեսական շահերը, Թեհրանը համաձայնության մեջ մնալու հիմքեր չունի»:
Անդրադառնալով Իրանի նավթի արտահանման արգելման վերաբերյալ Թրամփի հնչեցրած սպառնալիքին, Վելայաթին նշել է.«Եթե Իրանը չկարողանա Պարսից Ծոցից արտահանել իր նավթը, ոչ մի այլ երկիր նույնպես չի կարողանա նավթ արտահանել»:
