ԻԻՀ պաշտպանության նախարարը մեկնել է Սիրիա
Իրանի իսլամական հանրապետության զինված ուժերի աջակցման ու պաշտպանության նախարարի գլխավորած ռազմական ու պաշտպանական բարձրաստիճան պատվիրակությունը մեկնել է Սիրիա: Դամասկոսում իրանական պատվիրակությանը դիմավորել են Սիրիայի զինված ուժերի և բանակային ավագ հրամանատարների խումբը:
Իրանի ռադիո-հեռուստատեսության լրատու գործակալության հաղորդմամբ, բրիգադային-գեներալ Ամիր Հաթամիի երկօրյա այցը տեղի է ունենում Սիրիայի պաշտպանության նախարար Ալի Այուբի հրավերով: Այցի շրջանակում հանդիպումներ են լինելու նախագահ Բաշար Ասադի և վարչապետ Էմադ Խամիսի հետ:
Գեներալ Հաթամիի այցի առանցքներն են լինելու տարածաշրջանի զարգացումների , ահաբեկչության դեմ պայքարի, դիմադրության առանցքի հզորացման, նաև Թեհրան-Դամասկոս պաշտպանական ու ռազմական համագործակցության զարգացման ուղիների քննարկումը:
ԻԻՀ-ի և Սիրիայի պաշտպանության նախարարները ստորագրելու են պաշտպանական ու ռազմական համագործակցության մասին փաստաթղթեր:
