Մեկնարկել է Իրան-Սիրիա գործարար համագործակցության զարգացման համաժողովը
Իրան-Սիրիա առեւտրային համագործակցության զարգացման վերաբերյալ խորհրդաժողովը մեկնարկել է Թեհրանում՝ երկու երկրի պետական ու տնտեսական ոլորտի ներկայացուցիչների ներկայությամբ:
Իրանի ռադիո-հեռուստատեսության լրատվական գործակալության հաղորդման համաձայն, Թեհրանի Առևտրի, արդյունաբերության, հանքերի եւ գյուղատնտեսության պալատի ղեկավար Մասուդ Խոնսարին,շաբաթ օրը Թեհրանում մեկնարկած Իրան-Սիրիա գործարար համագործակցության համաժողովի շրջանակում հույս է հայտնել, որ Իրանի Իսլամական Հանրապետությունը, ինչպես Սիրիայի ճգնաժամի ընթացքում կանգնեց Սիրիայի ժողովրդի կողքին, նույնպես կնպաստի այդ երկրի վերակառուցմանը:
Իրանում Սիրիայի դեսպան Ադնան Մահմուդը հայտարարել է. «Սիրիայի առավարությունը երկրի վերականգնման փուլում առաջնային տեղ է հատկացնում իր դաշնակիցներին, հատկապես Իրանի Իսլամական Հանրապետությանը և նրանք ովքեր դերակատար են եղել Սիրիայում ահաբեկչության տարածմանն ու այդ երկրի տնտեսությունը վերացնելու քայլերին Սիրիայում տեղ չունեն»:
Իրանում Սիրիայի դեսպանը հավելել է, որ Թեհրանի կոնֆերանսը կարող է հիմք ծառայել Իրանի եւ Սիրիայի առեւտրային հարաբերությունների զարգացման համար:
Հաղորդման համաձայն, Սիրիայի գործարար պատվիրակությունը բաղկացած է 50 տնտեսական ակտիվիստներից, այդ թվում՝ Սիրիայի առեւտրի պալատների եւ մասնավոր հատվածի ակտիվիստների և պաշտոնատար անձանց, նպատակ ունենալով ուսումնասիրել Թեհրանի հետ համագործակցելու երկու երկրների հնարավորությունները:
