Թրամփը լրջորեն սպառնացել է Թուրքիային
2018 թվականի դեկտեմբերի 19-ին ամերիկյան զորքերի Սիրիայից դուրս բերելու մասին Դոնալդ Թրամփի որոշումից հետո, որոշ վերլուծաբաններ այս քայլը տեսնում էին որպես Թուրքիայի շահերից բխող քայլ:
Թուրքիայի նախագահ Ռեջեփ Թայիբ Էրդողանն ավելի վաղ սպառնացել էր շուտով Թուրքիայի բանակը կհաձակվի Սիրիայի քրդական շրջանների վրա: Թուրքիայի այդ քայլը կարող էր սպառնալիքի տակ դնել արեւելյան Եփրատում տեղակայված ամերիկյան ուժերին: Բացի այդ, Վաշինգտոնը փորձում էր Թուրքիային զերծ պահել, Ռուսաստանից S 400 հրթիռային համակարգը գնելուց: Վաշինգտոնը առաջարկում է վաճառել Patriot հրթիռային համակարգը Թուրքիային 3,5 միլիարդ դոլարի գործարքով:
ԱՄՆ-ի զորքերի դուրսբերման մասին որոշումը, Վաշինգտոնի դաշնակից Սիրիայի քրդերի համար ցնցող լուր էր: Նրանք ստիպված եղան Թուրքիայի բանակի հարձակումներից ապահով մնալու նպատակով, դիմել Սիրիայի բանակին՝ մինչ այդ քրդերի վերահսկողության տակ գտնվող տարածքներում այդ թվում Մենբիջ քաղաքում տեղակայվելու առաջարկով:
Ակնհայտ է, որ ԱՄՆ նախագահը Սիրիայից ամերիկյան զորքերի դուրս բերելու մասին որոշումը կայացրել է առանց անվտանգության բարձրաստիճան պաշտոնյաների կարծիքը հաշվի առնելու, որոնք կոշտ դիրքորոշում են ընդունել նրա հանդեպ:
ԱՄՆ նախագահ Դոնալդ Թրամփը Twitter-ի միկրոբլոգում գրել է, որ Միացյալ Նահանգները սկսում է սիրիայից իր զորքերի դուրսբերումը: Նա նաև սպառնացել է Թուրքիային տնտեսական պատժամիջոցներով` սիրիական քրդերի դեմ հարձակման դեպքում:
Միևնույն ժամանակ, Թրամփը կոչ է արել քրդերին չդրդել Թուրքիային և ընդգծել, որ կստեղծվի բուֆերային գոտի (30 կիլոմետր):
Թուրքիայի նախագահի մամուլի խոսնակ Իբրահիմ Քալինը արձագանքել է Թուրքիայի վերաբերյալ ԱՄՆ-ի նախագահ Դոնալդ Թրամփի հայտարարությանը և ասել.«Սիրիայի քրդերի չպետք է համեմատել քրդական զինված ջոկատների հետ: Մենք ակնկալում ենք, որ Միացյալ Նահանգները հարգի մեր ռազմավարական գործընկերությունը:Ահաբեկիչները չպետք է լինեն ձեր դաշնակիցներն ու գործընկերները»:
Թուրքիան բազմիցս հայտարարել է, որ Քուրդիստանի բանվորական կուսակցության» (ՔԲԿ-PKK) սպառազինություն է տրամադրում Սիրիայում գործող թևերի (PYD) -ին։ Սիրիայի քրդական ուժերը ահաբեկչական ուժեր են և սպառնում են Թուրքիայի անվտանգությունը։ Իբրահիմ Քալինի խոսքերով, Քրդական աշխատավորական կուսակցության և ԻԼԻՊ-ի միջև տարբերություն չկա:
Երեքշաբթի, իր թուրք գործընկերոջ հետ խորհրդակցելուց հետո, Ջոն Բոլթոնը զգուշացրել էր, որ Միացյալ Նահանգները դեմ է Սիրիայում քրդական դաշնակիցների դեմ Թուրքիայի զորքերի կողմից ցանկացած ճնշմանը: Էրդողանը համաձայն չէ Բոլթոնի պահանջի հետ, չհարձակել քրդական ջոկատների վրա Սիրիայում: Նա ընդգծել է, որ Բոլթոնը «մեծ սխալ» է արել:
Այժմ, Անկարայի դեմ Վաշինգտոնի աննախադեպ սպառնալիքի հետո, ԱՄՆ-Թուրքիա հարաբերությունները նոր ճգնաժամային փուլ են անցնում:
