Մամուլի տեսություն 13.02.2019
Իրանական մամուլն այսօր գլխավորապես անդրադարձել էին Վարշավայի հակաիրական համաժողովին և Թրամփի վերջին հայտարարություններին ԻԻՀ ԱԳ նախարարի տված կտրուկ պատասխանին:
«Ջոմհուրի էսլամի» օրաթերթ
Իրանի կտրուկ պատասխանը ԱՄՆ նախագահի զայրույթով լցված հայտարարություններին
Զարիֆ.«Թրամփը պետք է վերանայի ԱՄՆ-ի քառասնամյա ձախողած քաղաքականությունը»
«Մարդոմսալարի» օրաթերթ
Լեհաստանի մեկուսացումը Կանաչ մայրցամաքում
«Ջոմհուրի էսլամի» օրաթերթ
Բրիտանիա «ԱՄՆ-ն անկարող է շրջափակել Եվրոպայի ֆինանսական մեխանիզմներից օգտվողներին»
«Քեյհան» օրաթերթ
Պահակազորի ռազմածովային ուժերն օժտվել են 80 կմ. արագությամբ նոր հրթիռանետ լողամիջոցներով
«Ջոմհուրի էսլամի» օրաթերթ
ԻԻՀ-ի քառասնամյա արտաքին քաղաքականության քննարկմանը նվիրված նիստին Դկտ. Զարիֆն ասել է.«Ոչ մի երկրի հետ պատերազմելու ցանկություն չունենք, սակայն ողջ կարողությամբ ինքնապաշտպանվելու ենք»:
«Մարդոմսալարի» օրաթերթ
Լեհաստանի մեկուսացումը Կանաչ մայրցամաքում
Հյուրընկալելով Միջին Արևելքի մասին միջազգային համաժողովը, Լեհաստանի կառավարությունը հույսով է ամրապնդել Վաշինգտոնի հետ իր հարաբերությունները, սակայն այդ քայլը վտանգում է մյուս երկրների հետ Վարշավայի հարաբերությունները:
Անդրադառնալով Լեհաստանի հյուրընկալությամբ Միջին Արևելքի մասին միջազգային համաժողովին, «Ասոշիեյթեդ պրես» գործակալությունը հաղորդել է.«Իրանի կառավարությունն այդ համաժողովը թշնամական քայլ է գնահատում և զգուշացրել է, որ համաժողովի անցկացումը ծանր հետևանքներ է ունենալու Վարշավայի համար»: Քաղաքագետները մտահոգված են, որ Վաշինգտոնի հետ կապերն ամրապնդելով, Լեհաստանի կառավարությունը մեկուսանալու է Եվրոպայում ՝ մասնավորապես Թրամփի քաղաքականությունը քննադատող եվրոպական երկրների կողմից: Եվրոխորհրդարանում Վարշավայի գրասենյակի վարիչ Պյուտեր Բուրասը հայտարարել է.«Ինձ մտահոգում է այն, որ Վարշավան փորձում է բոլոր ձվերը դնել ոչ թե նույնիսկ ԱՄՆ-ի , այլև Թրամփի զամբյուղում»:
«Սա եվրոպացի գործընկերների հետ հարաբերությունների, նույնիսկ ՆԱՏՕ-ի միացման գնով է ավարտվելու».-ասել է նա: Եվրոպացի ավագ դիվանագետը ՄԱԿ-ում ասել է, որ միության պաշտոնյաները դեմ են Վարշավայի համաժողովի կայացմանը: Վարշավայի համաժողովն ԱՄՆ-ի և Լեհաստանի հյուրընկալությամբ կայանալու է փետրվարի 13-ին և 14-ին: համաժողովի առանցքը լինելու է Միջին Արևելքում խաղաղության ու անվտանգության հարցի քննարկումը:
«Ջոմհուրի էսլամի» օրաթերթ
ԻԻՀ-ի քառասնամյա արտաքին քաղաքականության քննարկմանը նվիրված նիստում, դկտ. Զարիֆն ասել է.«Ոչ մի երկրի հետ պատերազմելու ցանկություն չունենք, սակայն ողջ կարողությամբ ինքնապաշտպանվելու ենք»:
Նշելով, որ ԻԻՀ-ը նպատակահարմարություն, արժանապատվություն և իմաստնություն երեք սկզբունքներից բացի, կարևորում է նաև աշխարհի մակարդակում ներծին ու արտաքին արդյունավետությունը, ԻԻՀ ԱԳ նախարարն ասել է .«ԻԻՀ-ը ողջունում է միջազգային կապերը և ոչ մի երկրի դեմ սպառնալիք չի ներկայացնում, սակայն հայտարարում ենք,որ ոչ մի երկրի հետ պատերազմելու ցանկություն չունենք, սակայն ողջ կարողությամբ ինքնապաշտպանվելու ենք»:
«Քեյհան» օրաթերթ
Ամերիկացի սենատոր. «Պաշարումը, սովն ու հիվանդությունը 85 հազար եմենցի երեխաների մահվան պատճառ են դարձել»
Արաբիան և Էմիրությունները Եմենին օդային, ծովային ու ցամաքային հարձակումների են ենթարկել: Ագրեսիայի պատճառով, հազարավոր մարդիկ Եմենում սովի են մատնվել: Մեծ թվով եմենցիներ հայտնվել են դեղորայքի պակասի ու տարբեր համաճարակների առջև: Գլխավոր զոհերը երեխաներն են: ԱՄՆ Կոնգրեսի դեմոկրատ սենատոր Քրիս Մորֆին հայտարարել է, որ սաուդական կոալիցիայի ագրեսիայի պատճառով, նվազագույնը 85 հազար եմենցի երեխաներ, սովի ու հիվանդության զոհ են գնացել: Նրա խոսքերով, չնայած այդ իրողությանը, որոշ իրավապահներ պահանջում են, որ ԱՄՆ-ն չկատարի այդ քաոսը դադարեցնելուն ուղղված իր պարտականությունը: Հատկանշական է, որ Սպիտակ տունը հայտարարել է, որ քանի որ Արաբիայի կարիքն ունի, վետո է դնելու Արաբիայի դեմ այդ երկրի Կոնգրեսի բոլոր հաղորդագրությունների վրա:
«Մարդոմսալարի» օրաթերթ
Ռոհանիի, Պուտինի և Էրդողանի համատեղ նիստը ՝ Սիրիայի մասին
ԻԻՀ նախագահը փետրվարի 14-ին ՌԴ նախագահ Վլադիմիր պուտինի հրավերով Սոչի է այցելելու՝ Իրանի, Թուրքիայի և ՌԴ-ի նախագահների նիստին մասնակցելու նպատակով:
Սոչիի նիստը համարվում է տարածաշրջանային ահաբեկչության դեմ համատեղ պայքարի և Սիրիայում քաղաքական կայունությունը վերադարձնելու առանցքայնությամբ Իրանի, Ռուսաստանի և Թուրքիայի նախագահների 4-րդ հանդիպումը:
168.am
Վենեսուելայի դեմ ԱՄՆ-ի սահմանած պատժամիջոցները կարող են ձեռնտու լինել Իրանին. The Wall Street Journal
Իրանը կարող է անսպասելի օգուտ ստանալ Վենեսուելայի նկատմամբ ԱՄՆ-ի սահմանած պատժամիջոցներից: Մի շարք վերլուծաբանների կարծիքով, Վաշինգտոնն ստիպված կլինի առանձին երկրների թույլատրել հետագայում էլ իրանական նավթ գնելու դրանով իսկ խուսափել գների կտրուկ բարձրացումից: Այդ մասին գրել է The Wall Street Journal-ը (WSJ):
Սկզբնապես ԱՄՆ-ը ձգտում էր զրոյացնել իրանական նավթի գնումներն այլ երկրների կողմից, թեեւ նոյեմբերին ութ ներմուծող պետությունների մի շարք զիջումներ արեց այն պայմանով, որ նրանք աստիճանաբար կրճատեն ներկրման ծավալները:
ԱՄՆ-ի Պետդեպարտամենտի ներկայացուցիչը WSJ-ին հայտարարել է, որ նույնիսկ հունվարի վերջին Վենեսուելայի դեմ պատժամիջոցների սահմանելուց հետո «մեր նպատակը մնում է Իրանից նավթի գնումների շուտափույթ կրճատումը մինչեւ զրո»:
Սակայն, ինչպես կարծումէ SVB Energy International-ի ղեկավար Սառա Վահշուրին, Վաշիգնտոնին, ամենայն հավանականությամբ, հարկ կլինի երկարացնել պատժամիջոցներից եթե ոչ բոլոր ազատումները, այլեւ դրանց առնվազն մի մասը, որոնց ժամկետը լրանում է ապրիլին:
«Վենեսուելայի դեմ պատժամիջոցները եւ ծանր նավթի պահանջարկի ու առաջարկի միջեւ խզման նեղացումը կհանգեցնեն Իրանի նավթի արտահանման նկատմամբ ԱՄՆ-ի պատժամիջոցներից բացառումների եւս մեկ փուլի»,-ասել է նա: Վահշուրիի խոսքով՝ հունվարին Իրանն օրական արտահանել է մոտավորապես 1,1 մլն բարել նավթ՝ մեկ տարի առաջվա 2,3 մլն բարելի համեմատությամբ:
Միացյալ Նահանգների Պետդեպարտամենտում գտնում են, որ Իրանից նավթի արտահանումը պետք է կրճատվի եւս 45 տոկոսով կամ օրական 500-600 հազար բարելով, որպեսզի տնտեսության անկումն անշրջելի դառնա, հաղորդել է «Ինտերֆաքս»-ը:
