Ջոն Միրշայմեր. Իրանի դեմ պատերազմն ԱՄՆ-ի համար բացարձակ պարտություն է

Միջազգային հարաբերությունների ամերիկացի տեսաբան Ջոն Միրշայմերը Իրանի դեմ պատերազմը համարել է ԱՄՆ արտաքին քաղաքականության պատմության մեջ ամենաաղետալի սխալը և ԱՄՆ-ի համար բացարձակ պարտություն։

Pars Today-ի փոխանցմամբ՝ Միրշայմերը հարցազրույցում ասել է. «Իրանի դեմ ԱՄՆ-ի պատերազմը, որը գերազանցում է Իրաքի պատերազմը, կգրանցվի որպես ամերիկյան արտաքին քաղաքականության պատմության մեջ ամենամեծ սխալը։ Թրամփը ցանկանում է ավարտել պատերազմը, բայց այն դադարեցնելու միակ ճանապարհը հանձնվելն ու պարտությունը ընդունելն է։ Մենք ոչ մի կերպ չենք կարող փրկել այս իրավիճակը»։
 Նա հավելել է. «Իրանի դեմ պատերազմն  աղետ է, ուստի եկեք կնքենք մի գործարք, որն օգուտ կբերի Իրանին»։
Հատկանշական է, որ CNN-ի հաղորդմամբ՝ ամերիկացիների մոտ 80 տոկոսը բենզինի գների բարձրացման համար մեղադրում է ԱՄՆ նախագահ Դոնալդ Թրամփին։ Բացի այդ, ըստ Washington Post-ի, ABC News-ի և Ipsos-ի հարցման, ամերիկացիները դժգոհ են  նախագահից՝ Իրանի դեմ պատերազմի և այլ կարևոր հարցերի վերաբերյալ նրա վարած քաղաքականության պատճառով։