Մամուլի տեսություն 16.02.2019
Իրանական մամուլն այսօր հիմնականում անդրադարձել էր Վարշավայի հակաիրանական ժողովի ձախողմանը և Սոչիում կայացած Իրանի, Ռուսաստանի և Թուրքիայի նախագահների հանդիպմանը: Օրաթերթերը դատապարտել էին Իրանի հարավ-արևելքում տեղի ունեցած ահաբեկչական հարձակումը:
«Համդելի» օրաթերթ
Ոչ բոլոր ճանապարհներն են Վարշավա տանում
ԱՄՆ-ը հայտարարեց Իրանի հարցի առանցքայնությամբ Վարշավայում ժողով գումարելու մասին, ինչին հակազդեցին շատերը: Վարշավայում ժողով գումարելու գաղափարն ունի մի քանի ամսվա անցյալ: Սկիզբը եղավ այն օրը, երբ Դոնալդ Թրամփը ներկայացրեց ԻԼԻՊ-ի դեմ կոալիցիային զուգահեռ հակաիրանական կոալիցիա ձևավորելու գաղափարը: Թրամփը նպատակ ուներ Իրանի դեմ համաշխարհային կոնսենսուս ձևավորել և ծավալուն քարոզչություններվ, Իրանին ներկայացնել որպես Միջին Արևելքի ներկա ճգնաժամի մեղավորը և լուրջ սպառնալիք:
Դա այն դեպքում, երբ Վարշավայի հակաիրանական ժողովը չարժանացավ նաև եվրոպական երկրների ՝ Ֆրանսիայի ու Գերմանիայի նաև տարածաշրջանի երկրների ուշադրությանը: Եվրամիության անդամ շատ երկրների նախարարները ևս չցանկացան մասնակցել ժողովին: Հավաքին նրանք մասնակցեցին ավելի ցածր մակարդակի պաշտոնյաներով: Մյուս կողմից, ԱՄՆ Պետքարտուղար Մայք Պոմպեոն, նիստից հետո տված հարցազրույցում, հակադարձել է նևստին որոշ երկրների նախարարների չմասնակցելուն: Նա ասել է.«Պետություններն իրենք են ընտրել, թե նիստին ինչ մակարդակով են ներկա լինելու»:
Մյուս կողմից պետք է ասել, որ եվրոպական որոշ երկրների տարաձայնությունները չեն սահմանափակվում Իրանի հետ միջուկային համաձայնության խախտմամբ: Այդ տարաձայնությունը սրվել է Սիրիայից այդ երկրներից զորքերը հանելու մասին Թրամփի հայտարարությունից հետո:
«Իրան» օրաթերթ
Ն Վ առաջնորդ.«Պետք է պարզել հետախուզական կազմակերպությունների հետ Զահեդանի պայթյունների հեղինակների կապը»
Այաթոլլահ Խամենեին ցավակցական ուղերձ է հղել Զահեդանում տեղի ունեցած պայթյունի զոհերի հարազատներին, ասելով .«Պետք է կենտրոնանալ և պարզել, թե դեպքի հեղինակներն ինչ կապեր ունեն հետախուզական կազմակերպությունների հետ»:
«Ջոմհուրի էսլամի» օրաթերթ
Համաշխարհային մակարդակում դատապարտվել է Սիստան և Բալուչեստան նահանգում տեղի ունեցած ահաբեկչական պայթյունը
Զահեդան-Խաշ ճանապարհին տեղի ունեցած ահաբեկչական հարձակման հետևանքով զոհվել են մի խումբ պահակազորայիններ: Դեպքը երկրում ու որտասահմանում ծավալուն հակազդեցությունների տեղիք է տվել:
«Մարդոմսալարի» օրաթերթ
Կարևորվել է Սիրիայի ազգային ինքնիշխանության ու տարածքային ամբողջականության պահպանումը
ԻԻՀ-ի, ՌԴ-ի և Թուրքիայի նախագահները, համատեղ հաղորդագրություն տարածելով, կարևորել են Սիրիայի ազգային ինքնիշխանության , անկախության ու տարածքային ամբողջականության պահպանման , նաև ՄԱԿ-ի կանոնադրության նկատմամբ իրենց շարունակական հավատարմությունը :
«Քեյհան» օրաթերթ
Սնանկների Վարշավյան համաժողովը ՝ ԱՄՆ-ի նվաստացման ցուցադրում
«Ղանուն» օրաթերթ
Սոչին ՝ Վարշավայի դիմաց
«Խորասան» օրաթերթ
Պահակազորի հրամանատար. Վրեժխնդիր ենք լինելու
Իրանի բանակային հրամանատարներն ի հակազդեցություն Խաշ-Զահեդան ճանապարհին Ալ-Զոլմ ահաբեկչական խմբի իրականացրած պայթյունի, շեշտել են, որ վրեժխնդիր են լինելու այդ վայրագ արարքի հեղինակներից, որոնց անմարդկային քայլի պատճառով զոհվել է 27 մարդ, վիրավորվել են 13 ուրիշներ:
«Ջոմհուրի էսլամի» օրաթերթ
ԱՄՆ փոխնախագահ: INSTEX-ի միջոցով Եվրոպան փորձել է շրջանցել մեր պատժամիջոցները
«Էբթեքար» օրաթերթ
Ընտրություններում կանանց համար հատուկ բաժին է նկատի առնվելու
«Ալիք» օրաթերթ
Freedom House-ի զեկույցում Ադրբեջանը շարունակում է մնալ անազատ երկրների շարքում
168.am- Freedom House միջազգային կազմակերպությունը հրապարակել է «Ազատությունն աշխարհում 2019» զեկույցը:
Այս մասին հայտնում է ադրբեջանական «Թուրան» լրատվական գործակալությունը:
Կազմակերպության զեկույցում ողջունվում է Հայաստանում առկա ժողովրդավարական գործընթացը, և միևնույն ժամանակ քննադատվում Ադրբեջանում ժողովրդավարության վիճակը: Freedom House-ի հրապարակած զեկույցում Ադրբեջանը, ինչպես նախորդ տարիներին այս տարի նույնպես դասվել է անազատ երկրների շարքին:
Ադրբեջանի ոստիկանությունը և անվտանգության ուժերը հետևողականորեն շարունակում են օգտագործել բոլոր միջոցները՝ հետապնդելու իշխանություններին քննադատող անձանց, լռեցնելու ազատ խոսքի իրավունքը իրացնել փորձող քաղաքացիներին և ընդդիմադիր գործիչներին: Այս նպատակով Ադրբեջանում լայնորեն կիրառվում է շանտաժը, անձնական կյանքի վերաբերյալ տեսանյութերի հրապարակումը, նրանց դեմ ուղղված հարկերից խուսափելու, թմրամոլության եւ խուլիգանության շինծու մեղադրանքները և ձերբակալությունները:
slaq.am
Էրդողանը չի բացառել Իդլիբում Ռուսաստանի և Իրանի հետ համատեղ օպերացիան
Թուրքիայի նախագահ Ռեջեփ Թայիփ Էրդողանը չի բացառել սիրիական Իդլիբում Ռուսաստանի և Իրանի հետ համատեղ օպերացիայի հնարավորությունը:
Հիշեցնենք, որ փետրվարի 14-ին, Սոչիում տեղի ունեցավ Ռուսաստանի, Իրանի և Թուրքիայի նախագահների արդեն չորրորդ հանդիպումը: Էրդողանի խոսքերով, Իդլիբում լարվածության թուլացումը եղել է հանդիպման ժամանակ քննարկված գլխավոր թեմաներից մեկը:
«Ռուսաստանի և Իրանի հետ համատեղ օպերացիաները կարող են կազմակերպվել ցանկացած պահի՝ ելնելով իրավիճակից: Դրա համար չկան խոչընդոտներ: Մեզ համար կարևոր է Իդլիբի բնակչության անվտանգությունը»,-հայտարարել է Էրդողանը, փոխանցում է Hurriyet-ը:
