Իսլամական հեղափոխության գերագույն առաջնորդն ընդգծել է իսլամական հանրապետության դիմկայամանը իմպերիալիզմի դեմ

Իսլամական հեղափոխության մեծարգո առաջնորդ ՆՎ Այաթոլլահ Խամենեին, երկուշաբթի օրը Իրանի Արևելյան Ատրպատական նահանգի հազարավոր բնակիչների հետ հանդիպման ժամանակ ասել է, որ ԻԻՀ համակարգը գտնվում է ամենալավ, իսկ մեծապետականության ճակատն ու նրան գլխավորող ԱՄՆ-ն՝ ամենաթույլ պայմաններում:

Այաթոլլահ Խամենեին, իր ելույթի մեկ այլ բաժնում անդրադառնալով բահմանի 22-ի ժողովրդական քայլարշավին, ասել է.«Ես շնորհակալություն եմ հայտնել մի քանի օր առաջ Իրանի ժողովրդին ուղղված հայտարարությամբ, սակայն սա շատ ավելի քիչ է Իրանի ժողովրդի արածի դիմաց, քանզի այս տարվա բահմանի 22-ին ժողովուրդը մեծ աշխատանք կատարեց: Անկասկած, Իրանի ժողովուրդը շատ դժվարություններ է կրել  եւ այսօր դիմակայում է համաշխարհային իմպերիալիզմին: 

Այս ձեռքբերումները հիմք են՝ իսլամական հեղափոխության նոր դարաշրջանում առաջ շարժվելու համար: Իրանը, չնայած պատժամիջոցներին եւ մարտահրավերներին, շատ ոլորտներում կայուն տեղ է զբաղեցնում եւ կարողանում է հաղթահարել դժվարությունները: Իրանը կարող է վստահորեն շարունակել իր ճանապարհը: Այնուամենայնիվ, նման բարձր մակարդակի հասնելը, հատկապես անվտանգության առումով, դժվար եւ ծախսատար է:

Անդրադառնալով Իրանի Սիսթան և Բալուչեսթան նահանգում ոճրագործ ռեժիմների կողմից հովանավորվող ահաբեկչական խմբերի գործողությանը, որի հետևանքով զոհվեցին  մի խումբ պահակազորայիններ, Այաթոլլահ Խամենեին  ասել է.-«Այս նահատակությունները պետք է զգոնացնեն մեզ, որպեսզի հասկանանք, որ երկրի անվտանգությունն ապահովվում է լավագույն երիտասարդների արյան գնով, եւ բոլորը պետք է երախտապարտ լինեն այդ նվիրյալներին»:

Իհարկե, շատ պատճառներ կան, որով աշխարհում ԱՄՆ-ի իշխանությունը և ուժը նվազում է: Այսօր Ամերիկան շատ ավելի թույլ է, քան չորս տասնամյակ առաջ:

«ԱՄՆ-ի թեթևամիտ պետական այրերն իրենց որոշ գործընկեր, նաև թույլ ու վախեցած պետություններին Վարշավայի նիստին մասնակցելու և Իրանի դեմ որոշում ընդունելու հրավեր ուղղեցին, սակայն այս նիստը որևէ արդյունք չունեցավ: Սրանք բոլորը թուլության նշաններ են և թշնամին  թուլության պահին  դիմում է հայհոյանքների ու աղմուկի»,-հավելել է իսլամական հեղափոխության մեծարգո առաջնորդն անդրադառնալով Վարշավայի նիստին:

Միացյալ Նահանգները  թե անցյալում և թե այժմ ամեն ինչ արել է  Իրանին վնասելու համար, սակայն այդ ջանքերը  չեն կարողացել  Իրանի ժողովրդին հետ պահել իր ճանապարհից:

Իսլամական հեղափոխության մեծարգո առաջնորդը հայտարարել է, որ ԻԻՀ համակարգը գտնվում է ամենալավ, իսկ մեծապետականության ճակատն ու նրան գլխավորող ԱՄՆ-ն՝ ամենաթույլ պայմաններում: 

Հեղափոխության գերագույն առաջնորդի խոսքերը վկայում են, որ Իրանի ժողովուրդը  քայլում է դեպի անվտանգ ապագա: Կասկած չկա, որ այս ճանապարհն ունի հստակ նպատակներ, որոնք հիմնված են ինքնիշխանության և ներքին կարողությունների հզորացման վրա և իրականացվում են արտաքին գործերի ոլորտում խաբուսիկ քաղաքականության հանդեպ զգոնության պահպանմամբ:

Իսլամական հեղափոխության մեծարգո առաջնորդը նշել է, որ  արևմուտքի քայլերն ու պահվածքը  խաղ  են: Նա հավելել է. «Ամերիկացիների վիճակը  պարզ է, քանի որ նրանք սուրը մերկացրել են: Պետք է զգուշանալ եվրոպացիներից, քանի որ նրանք խաղ են խաղում»: