Աֆղանստանից Հնդկաստանի առաջին արտահանումը տեղի ունեցավ Իրանի Չաբահար նավահանգստի միջոցով
Աֆղանստանից Հնդկաստանի առաջին բեռնվածքի արտահանումը տեղի ունեցավ կիրակի օրը՝ Իրանի Չաբահար նավահանգստի միջոցով: Միջոցառմանը ներկա էր Աֆղանստանի նախագահ Աշրաֆ Ղանին:
Աֆղանստանի Նիմրուզ նահանգում բեռնափոխադրման արարողությանը ներկա էին Աֆղանստանի, Իրանի և Հնդկաստանի, ինչպես նաև մի շարք տարածաշրջանային երկրների դեսպաններ:
Բեռնվածքի կշիռը կազմել է 570 տոննա, այդ թվում՝ ընդեղեն և քարի փոշի, որը 23 բեռնատար մեքենաներով, Աֆղանստանի Նիմրուզ նահանգի Զերենջ քաղաքից փոխադրվելու է դեպի Չաբահարի նավահանգիստ եւ նավահանգիստից՝ Հնդկաստան:
Չաբահար նավահանգստով Աֆղանստանից Հնդկաստանի առաջին բեռնվածքի արտահանումը գործնական քայլ է Չաբահայի համաձայնագրի իրականացման ուղղությամբ: Հարավային Ասիայի տարածաշրջանն այս օրերին ալեկոծվել է ահաբեկչական գործողությունների և մի շարք հեռավոր երկրների միջամտության քաղաքականության արդյունքում: Իրանը, Հնդկաստանը և Աֆղանստանը վճռակամ են նպաստելու տնտեսական հարաբերությունները և բարելավելու իրենց տնտեսական պայմանները:
Չաբահարի առևտրային համաձայնագիրը ստորագրվել է երեք տարի առաջ՝ Իրանի, Հնդկաստանի և Աֆղանստանի կողմից և նպատակ ունի Իրանի միջոցով Հնդկաստանի համար ավելի հասանելի դարձնել Աֆղանստանի շուկաները, իսկ Աֆղանստանի համար՝ Հնդկաստանի շուկաները:
Հաշվի առնելով այն փաստը, որ Աֆղանստանը ծովային ելք չունեցող երկիր է, Աֆղանստանի կառավարությունն ու տնտեսական փորձագետները կարևորում են Չաբահար նավահանգստի հնարավորությունն այդ երկրի առևտրական պոտենցիալները բարձրացնելու համար: Հնդկաստանն արդեն երկար տարիներ Իրանի հետ բանակցություններ է վարում՝ Աֆղանստան եւ Կենտրոնական Ասիա մուտք գործելու նպատակով Չաբահար նավահանգստից օգտվելու համար:
Հնդկաստանի իշխանությունները Չաբահար նավահանգիստը դիտարկում են որպես էժան և անվտանգ ճանապարհ, ու չնայած Իրանի դեմ ԱՄՆ պատժամիջոցներին, Նյու Դելին միշտ կոչ է արել ազատվել այդ պատժամիջոցներից:
Հնդկաստանը խոշոր ներդրումներ է կատարել և շարունակումէ անել Չաբահարում:
Վերջին 10 տարիների ընթացքում Իրանը զգալի ներդրում է արել Չաբահար նավահանգստի և ենթակառուցվածքների զարգացման համար:Այդ նախագծերից մեկ Չաբահար-Զահեդան երկաթգիծի կառուցումն է:
Չաբահարի ռազմավարական նշանակությունը, մի կողմից, և Իրանի ծրագրերի առկայությունը նպաստել են, որ Չինաստանը, Հնդկաստանը և Հնդկական օվկիանոսի երկրները մեծ հույսեր կապեն այդ նավահանգստի հետ:
Ամերիկացի վերլուծաբան Հարշ Պանտը գրել է, որ Չաբահարը կդառնա հիմնական տրանսպորտային միջանցք՝ Հնդկաստանի, Իրանի և Աֆղանստանի միջև, քանի որ գտնվում է այս երեք երկրներում ապրանքների եւ ուղեւորների համար ավելի մեծ, բազմակի / ցամաքային, ծովային եւ երկաթուղային / տրանսպորտային ցանցի սրտում:
Աֆղանստանից Հնդկաստանի առաջին բեռնվածքի արտահանումը Իրանի Չաբահար նավահանգստի միջոցով, Հնդկաստանի, Իրանի ու Աֆղանստանի միջեւ գործընկերության արդյունքն է և անկասկած այս ուղղությամբ առևտրի խթանումն ու բարգավաճումը կհանգեցի այդ երկրների կապի և տնտեսական աճին, հետևաբար տարածաշրջանի անվտանգության ու բարգավաճման ամրապնդմանը: