Մամուլի տեսություն 26.02.2019
Իրանական մամուլի երեքշաբթի օրվա վերնագրերը հիմնականում արտացոլել են Սիրիայի նախագահ Բաշար Ասադի Թեհրան կատարած այցը և ՆՎ առաջնորդի և Իրանի նախագահի հետ վերջինիս հանդիպումները:
«Քեյհան» օրաթերթ
Իրանը հպարտանում է Դիմադրությանը պաշտպանելով
ԻԻՀ առաջնորդը, Սիրիայի նախագահի հետ հանդիպման ժամանակ, ասել է. «Սիրիային աջակցելը համարում ենք աջակցություն դիմադրությանը և հպարտ ենք դրա համար» : Սիրիայի նախագահ Բաշար Ասադի հետ հանդիպման ժամանակ, ԻԻՀ առաջնորդ Այաթոլլահ Խամենեին նշել է, որ ահաբեկիչների դեմ պայքարում Սիրիայի հաղթանակը և ԱՄՆ-ի ու նրա տարածաշրջանային վարձկանների պարտությունը, Սիրիայի նախագահի ու ժողովրդի դիմադրության արդյունքն էր: Նա հավելել է. «Իրանը Սիրիայի կառավարությանն ու ժողովրդին ցուցաբերած աջակցությունը համարում է աջակցություն դիմադրության շարժմանը, ինչի համար հպարտ է»:
«Մարդոմսալարի» օրաթերթ
Թրամփը և Ընը որոշել են Վիետնամում հուշանկար անել
«Մարդոմսալարի» օրաթերթ
Հորմոզի նեղոցը բաց է լինելու, քանի դեռ մենք նավթ ենք արտահանելու
Իսլամական հեղափոխության պահապանների կորպուսի ռազմածովային ուժերի հրամանատար ծովակալ Ալիռեզա Թանգսիրին ասել է .«Օտար ուժերը նպատակ ունեն կթել տարածաշրջանը և երբ նավթը տարան, այն ժամանակ հեռանալու են տարածաշրջանից»: Նա մանրամասներ է ներկայացրել իրանական եռյակ կղզիների մասին էմիրությունների հայտարարությունների, ծովային անվտանգության, Հորմոզի նեղոցի և Իրանի ծովային զինտեխնիկաների մասին:
«Խորասան» օրաթերթ
Ամերիկան տարածաշրջանում ԻԼԻՊ-ի համար երկու սցենար ունի
«Ջոմհուրի էսլամի» օրաթերթ
Շահագործման է հանձնվել Իրանի տիեզերական տեխնոլոգիաների երեք նախագիծ. հաջորդ տարի տիեզերք են նետվելու «Նահիդ» , «Զաֆար» և «Փարս» իրանական երեք արբանյակները
«Մարդոմսալարի» օրաթերթ
Իրանը դարձել է ԱՄՆ արտաքին քաղաքականության մղձավանջը
«Նյու Յորք թայմզը» քննարկել է ԱՄՆ արտաքին քաղաքականությունում Պոմպեոի դիրքորոշումը և մանրամասնել է, որ իր երկրի արտաքին քաղաքականության հետ քայլ պահելու փոխարեն, նա բավարարվում է միմիայն Դոնալդ Թրամփի քայլերին հավատարիմ մնալով:
Ամերիկյան օրաթերթի հաղորդմամբ, Վարշավայի ժողովն ըստ Պոմպեոի, պետք է լիներ դիվանագիտության հզորագույն դրսևորումը: Ամիսներ տևած ծրագրումների արդյունքը եղավ եվրոպացի ու արաբ պետայրերի, նաև Սիոնիստական ռեժիմի վարչապետի մասնակցությամբ կայացած նիստը, որի նպատակն Իրանին դիմակայելն էր:
Իր ելույթում ԱՄՆ փոխնախագահ Մայք Փենսը, խոսքն ուղղեց Լեհաստանի, Բրիտանիայի, Ֆրանսիայի և Գերմանիայի պետայրերին ՝ նրանց մեղադրելով ինչպես ինքն ասաց «Իրանի ոճրագործ ռեժիմին աջակցելու» մեջ: Նա նրանցից պահանջեց դադարեցնել ԱՄՆ-ի կողմից սահմանված պատժամիջոցների շրջանցելուն ուղղված ջանքերը և Իրանի միջուկային համաձայնությունից դուրս գալու գործում միանալ Դոնալդ Թրամփին:
«Էբթեքար» օրաթերթ
Հարցազրույց ամերիկացի ռեժիսոր Փիթեր Ֆարելլիի հետ. նրա «Կանաչ գիրք»-ը ճանաչվել է 2019 Օսկար մրցանակաբաշխության լավագույն ֆիլմը «Ես չգիտեի, թե հետաքրքիր սցենար եմ գրել»
«Ջոմհուրի էսլամի» օրաթերթ
ԻԼԻՊ-ի կենտրոնատեղիում հայտնաբերվել են 50 եզդի կանանց գլուխներ
168.am
Զարիֆը Իրանի ԱԳՆ-ի աշխատակիցներին հորդորել է շարունակել աշխատանքն իր հրաժարականից հետո
Իրանի արտաքին գործերի նախարար Մոհամադ Ջավադ Զարիֆը գերատեսչության բոլոր աշխատակիցներին հորդորել է երկրում և արտասահմանում շարունակել աշխատանքն իր հրաժարականից հետո: Նախարարի խոսքը փետրվարի 26-ին մեջբերել է IRNA գործակալությունը: Զարիֆն այդ կերպ է արձագանքել իր հեռանալուց հետո լիազորությունները վայր դնելու մի շարք դիվանագետների մտադրությանը:
«Ես հաստկապես դիմում եմ արտաքին գործերի նախարարությունում բոլոր եղբայրներին ու քույրերին: Շշարունակեք կատարել ձեր պարտականությունները երկիրը պաշտպանելու նպատակով և խուսափեք նման քայլերից»,- ասել է նա:
Իրանի արտաքին գործերի նախարար Մոհամադ Ջավադ Զարիֆը նախօրյակին հայտարարել է, որ թողնում է իր պաշտոնը: «Շատ շնորհակալ եմ Իրանի թանկագին ու խիզախ ժողովրդին ու նրա իշխանություներին վերջին 67 ամսվա ընթացքում ցուցաբերած մեծահոգության համար: Ես անկեղծորեն ներողություն եմ խնդրում ծառայությունս շարունակել չկարողանալու եւ ծառայության ընթացքում ունեցած թերությունների համար»,- գրել է Զարիֆն իր Instagram-ում:
Մինչդեռ Իրանի խորհրդարանի անդամների մեծամասնությունը Իրանի նախագահ Հասան Ռոուհանիին ուղղված նամակ են ստորագրել Ջավադ Զարիֆին ԱԳ նախարարի պաշտոնում թողնելու խնդրանքով: ԱԳ նախարարի հնարավոր պաշտոնաթողության հետ կապված իրադրությունը փետրվարի 26-ին քննարկվելու է իրանական խորհրդարանի ազգային անվտանգության եւ արտաքին քաղաքականության արտահերթ նիստում: Զարիֆը Իրանի ԱԳ նախարարությունը գլխավորել է 2013 թվականի օգոստոսից, հաղորդել է ՏԱՍՍ-ը:
1in.am
Նիկոլ Փաշինյանը պաշտոնական այցով կմեկնի Իրան
Նախատեսված է Նիկոլ Փաշինյանի հանդիպումը ԻԻՀ հոգևոր առաջնորդ Այաթոլլա Ալի Խամենեիի հետ:
Այցի շրջանակում Թեհրանում վարչապետը հանդիպում կունենա Իրանի նախագահ Հասան Ռոուհանիի հետ, որից հետո երկու երկրների առաջնորդները զանգվածային լրատվական միջոցների ներկայացուցիչների համար հանդես կգան բանակցությունների արդյունքներն ամփոփող հայտարարություններով: Ի պատիվ ՀՀ վարչապետի՝ Իրանի նախագահի անունից կտրվի պաշտոնական ճաշ: Այնուհետև կառավարության ղեկավարը հանդիպում կունենա ԻԻՀ Խորհրդարանի նախագահ Ալի Լարիջանիի հետ:
Փետրվարի 27-ի երեկոյան վարչապետը կայցելի Թեհրանի «Արարատ» մարզամշակութային կենտրոն և կհանդիպի Թեհրանի հայ համայնքի ներկայացուցիչներին:
Փետրվարի 28-ին ՀՀ կառավարության ղեկավարը կմեկնի Սպահան, որտեղ հանդիպում կունենա նահանգապետի և հայ համայնքի ներկայացուցիչների հետ:
