Մամուլի տեսություն 19.04.2019
Օրվա մամուլի գլխագրերում ուշադրություն էին գրավում Ռուսաստանի հետ Թրամփի նախընտրական շտաբի միջև կապի սկանդալային նորությունները:
«Համշահրի» օրաթերթ
Մուլերը մանրամասնություններ է հաղորդել 2016 թ.-ի ընտրություններում Ռուսաստանի միջամտության մասին
ԱՄՆ արդարադատության նախարարությունը վերջապես հրապարակեց ԱՄՆ-ում 2016 թ.-ի նախագահական ընտրություններում Ռուսաստանի կողմից միջամտությունների մասին քննիչ դատարանի զեկույցը: Ըստ այդ զեկույցի, արդարության իրականացման հարցում խափանումներում նախագահի անմեղությունն ապացուցող հստակ փաստեր չկան: Այնուամենայնիվ Թրամփը և նրա իրավաբանական թիմը դա հաղթանակ են որակել:
Զեկույցը 2016 թ.-ի ընտրություններում Ռուսաստանի միջամտության հարցով հատուկ քննիչ Ռոբերթ Մյուլլերի գլխավոր զեկույցի արտագրած ու գրաքննության ենթարկված տարբերակն է: Մյուլերի իրավաբանկան թիմը 22 ամիս է վատնել զեկույցը կազմելու համար: Զեկույցում կարդում ենք .«Հետաքննությունների ընթացքում չի հաջողվել հստակ պարզել, թե Թրամփը չի խափանել է արդարության իրականացումը: Եթե պարզվեր, որ նախագահը չի խափանել արդարության վերականգնումը, կհայտարարվեր այդ մասին: Սակայն հաշվի առնելով իրավաբանական նորմերը, չի հաջողվել հասնել նման արդյունքի»:
«Իրան» օրաթերթ
ԱՄՆ-ը և Հարավային Կորեան համաձայնության են եկել Արաբիային ատոմային տեխնոլոգիաների վաճառքի հարցում
«Դեյլի բիսթ» կայքը հաղորդել է սաուդական միջուկային ծրագրում ներկայության համար ամերիկյան ընկերությունների նախագծերի մասին:
ԱՄՆ-ի միջուկային արդյունաբերական ընկերությունների ղեկավարներն ասել են, որ Դոնալդ Թրամփի կառավարությունը քայլեր է անում Ռիադին միջուկային տեխոնոլգիաների վաճառքի համաձայնագրեր կնքելու ուղղությամբ, սակայն այդ երկրի ատոմային էներգիայի բաժինը հետ էմնացել Ռուսաստանի և Չինաստանի նման մրցակիցներից, մասնավորապես զարգացման և խոշոր նախագծերի ներկայացման առումով: Ուստի ամերիկյան ընկերությունների շահերն ապահովելու համար, փորձում են փոխարինել դրանց արտասահմանյան, այդ թվում հարավ կորեական ընկերություններով:
Զենքի վերահսկման հաստատության տնօրենի խոսքերով, Արաբիայի նման երկրների հետ միջուկային համագործակցությունը վտանգավոր է լինելու: Ամերիկյան ընկերությունները մտածել են հարավ կորեական միջուկային ընկերությունների հետ համագործակցելու մասին, քանի որ Արաբիայի հետ պայմանագրերի կանքումը մեծացնելու է ԱՄՆ կառավարության պարտականությունները: սաուդցիները և կորեացիները համոզված են, որ Ռիադի կողմից ձեռքբերվող տեխնոլոգիաներն ունենալու են Հարավ Կորեական ծագում , ուստի անհրաժեշտ չի լինելու, որ կորեացիները և սաուդցիները ստերագրեն ԱՄՆ ատոնային էներգիայի գործակալության կողմից ներկայացվող թիվ 123 համաձայնագիրը: Ամերիկյան ընկերությունների դերը սահմանափակվում է ռեակտորին ծառայություններ մատուծելով:
«Ջամե Ջամ» օրաթերթ
Շվեյցարիան պնդում է Իրանի հետ բանկային կանալի վերաբացման վրա
Կենտրոնական բանկի գլխավոր տնօրենն ասել է.«Շվեյցարիայի դեսպանը հայտնել է Իրանի և Շվեյցարիայի միջև բանկային ալիքի վերաբացման համար իր երկրի ցանկության մասին:
yerkir.am
Ֆրանսիայում օդաչուները գործադուլ կանեն
Ֆրանսիայի օդաչուների գլխավոր միությունը զգուշացրել է երկրի կառավարությանը մայիսին մեկշաբաթյա գործադուլ իրականացնելու մտադրության մասին. հայտնում է РБК-Украина-ն:
Այն կտևի մայիսի 6-11-ը: Պատճառը օրենքն է, որը քննարկում է խորհրդարանը:
Օդաչուների արհմիությունը մտավախություն ունի, որ օրենքը իրենց կարող է միավորել այլ` ավելի խոշոր արհմիությունների հետ, ինչը «կխլացնի իրենց ձայնը», հատկապես` օդաչուների վերաբերյալ հարցերում:
Գործադուլը կարող է վերաբերել Ֆրանսիայում գործող բոլոր ավիաընկերություններին, ներառյալ` Air France, Aigle Azur, Corsair, XL Airways, Easy Jet և Vueling ընկերությունները:
168.am
ՄԱԿ-ը փախստականների տարհանում է սկսել Լիբիայից
ՄԱԿ-ի փախստականների գործերի գերագույն կոմիսարի վարչությունը (ՓԳԿՎ) փախստականների տարհանում է սկսել Լիբիայից՝ հակամարտության ասպարեզ դարձած երկրից ավելի քան 150 մարդու տեղափոխելով Նիգեր: Այդ մասին հայտնել է կազմակերպությունը: «ՓԳԿՎ-ն 163 փախստականների Լիբիայից Նիգեր է տարհանել առաջին նման չվերթի ընթացքում այն ժամանակվանից ի վեր, երբ երկու շաբաթ առաջ Լիբիայի մայրաքաղաքում բորբոքվեցին մարտերը:
yerkir.am
Ինչ են քննարկելու Պուտինը և Կիմ Չեն Ընը
Ռուսաստանի նախագահ Վլադիմիր Պուտինը և Հյուսիսային Կորեայի առաջնորդ Կիմ Չեն Ընը հանդիպման ժամանակ կքննարկեն երկկողմ հարաբերությունները, Կորեական թերակղզու ապամիջուկայնացումը, տարածաշրջանային խնդիրներ: Այդ մասին լրագրողներին հայտնել է ՌԴ նախագահի մամուլի խոսնակ Դմիտրի Պեսկովը. տեղեկացնում է РИА Новости-ն:
Հիշեցնենք, որ երեկ Կրեմլը հայտնեց, որ Պուտինը և Կիմ Չեն Ընը կհանդիպեն ապրիլի երկրորդ կեսին:
