Վլադիմիր Զելենսկու հաղթանակը Ուկրաինայի նախագահական ընտրություններում և փոփոխությունների պահանջը
Վերջին տարիներին Ուկրաինան լարված ժամանակաշրջան է անցկացրել: 2014-ի զարգացումները հանգեցրին նախագահ Վիկտոր Յանուկովիչի հեռացմանը և Պետրո Պորոշենկոյի նախագահությամբ, արևմտամետ կառավարության իշխանության գալուն:
Սա հանգեցրեց Ուկրաինայի արևելքում քաղաքացիական պատերազմի եւ Ռուսաստանի հետ հարաբերություններում լարվածության: Իսկ դա իր հերթին արտացոլվեց Ուկրաինայի նախագահական ընտրություններում, որի երկրորդ փուլը տեղի ունեցավ կիրակի, ապրիլի 21-ին: Ուկրաինայի նախագահի թեկնածու Վլադիմիր Զելենսկին 73,17% ձայնով կիրակի օրն անցկացված նախագահական ընտրություններում հաղթելով, ընտրվեց որպես երկրի նախագահ:
Մինչդեռ Պորոշենկոն, շահելով ձայների միայն 25 տոկոսը պարտվեց մրցակցին: Այս ընտրություններում Պորոշենկոյի պարտությունն անսպասելի չէր: Պորոշենկոյի գործունեությունը շատ հաջող չեր: Նա չկարողացավ ոչ միայն լուծել Ուկրաինայի արեւելյան ճգնաժամը, այլև մեղադրվեց Ուկրաինան ֆինանսական եւ տնտեսական ճգնաժամից հեռացնելու հարցում տկարողության մեջ, իսկ նրա կառավարությունը՝ կոռուպցիայի մեջ: Պորոշենկոին քննադատում են նաև նրա ավագ օգնականներից մեկի՝ ռազմական բյուջեում կոռուպցիայի մեջ ներգրավված լինելու համար: Այսպիսով, Վլադիմիր Զելենսկու նախագահ ընտրվելը վկայում է այն մասին, որ Ուկրաինայի ժողովուրդը մերժում է Պորոշենկոյի վարած քաղաքականությունը և պահանջում է բարեփոխումներ իրականացնել այդ երկրում: Վերլուծաբանները համարում են, որ Պորոշենկոյի անկման հիմնական պատճառը հասարակության պայմանները բարելավելու և կոռուպցիայի դեմ պայքարում նրա տարած ապարդյուն ջանքերն են եղել: Զելենսկին շոումեն է, առանց քաղաքական փորձառության և նրա ընտրությունը որպես նախագահ վկայում է այն մասին, որ Ուկրաինայի ժողովուրդը պահանջում է քաղաքական և տնտեսական բարեփոխումներ իրականացնել այդ երկրում, որը դիմագրավում է բազում ճգնաժամեր: Զելենսկին մտադիր է վերականգնել իր երկրում խաղաղության գործընթացը՝ Ռուսաստանի մասնակցությամբ:Նա հայտարարել է, որ ժողովրդին չի հիասթափեցնի և Ռուսաստանի մասնակցությամբ, երկրում խաղաղություն կհաստատվի: Նա նաեւ նախկին խորհրդային հանրապետությունների ժողովուրդներին կոչ է արել ընտրել նոր ղեկավարներ: Մոսկվան դրական է արձագանքել Զելենսկու ընտրությանը:
Ռուսաստանի արտաքին գործերի նախարարությունը կիրակի օրը հայտարարել է, որ նախագահական ընտրություններում հայտնի շումեն Վլադիմիր Զելենսկու հաղթանակն արտացոլում է փոփոխություն իրականացնելու Ուկրաինայի ցանկությունը:
Հայտարարության մեջ նշված է, որ Ուկրաինայի նոր նախագահը վերածնեց ներքին եւ արտաքին քաղաքականության մեջ փոփոխության հույսը: Զելենսկին, որին որոշ լրատվամիջոցներ անվանում են ուկրաինական Թրամփ, նոր քաղաքական գործիչ է և նրա ընտրվելը ցույց է տալիս այս երկրի ժողովրդի վրդովմունքը ներկա քաղաքական գործիչների հանդեպ:
Մասնավորապես, նա խոստացել է բանակցություններ վարել Ռուսաստանի հետ երկկողմ հակամարտությունները կարգավորելու և Եվրամիությանն Ուկրաինայի անդամակցության վերաբերյալ:
