Մամուլի տեսություն 23.07.2019
ԿՀՎ-ի 17 լրտեսների ձերբակալությունն Իրանում, որոնց խոստովանությունը զարմացրել է ամերիկացի պաշտոնաներին
«Քեյհան» օրաթերթ
Իրանի Անվտանգության նախարարությունը հայտարարել է, որ ձերբակալվել են ԿՀՎ-ի 17 լրտեսներ
Իրանի Անվտանգության նախարարության հակալրտեսական վարչության պետը հայտարարել է, որ ԿՀՎ-ի ձերբակալված 17 լրտեսներից մի քանիսը դատապարտվել են մահապատժի:
Նախարարությունը նաև հայտարարել է, որ ԿՀՎ-ն այդ լրտեսներին խաբել է, ասելով, որ նրանց ամերիկյան վիզան կհաստատվի, կամ կպահպանվի:
ԿՀՎ-ն Իրանում կեղծ ընկերություններ է ձևակերպել և աշխատանքի ընդունել իրանցի մասնագետներին:
«Էբթեքար» օրաթերթ
Ժամանակի մարտահրավերները
Այսօր Իրան-ԱՄՆ հակամարտության հետ բախվող բոլոր կողմերը փորձում են ժամանակ շահել:
Վաշինգտոնն Իրանի նկատմամբ առավելագույն ճնշում գործադրելու հայտարարությունների հետ միաժամանակ հասկացել է, որ Իրանը, հակառակ Թրամփի թիմի կարծիքներին, խոցելի չէ և կարողացել է հաղթահարել ԱՄՆ վարչակազմի ստեղծած դժվարությունները:
Իրանական թումանն արժևորվել է և երկրում սննդի խնդիր չկա: Սպառողական շուկան շարունակում է մնալ իր ընթացքի մեջ, չնայած նրան, որ Վաշինգտոնը նպատակ ուներ շոկ առաջացնել այդ շուկայում և սարսափահար անել Իրանի հասարակությանը:
Այս պատճառով, բոլոր փորձագետները, Սպիտակ Տանը հիշեցնում են, որ այն աշխարհագրական դիրքը, որն ունի Իրանը, տարբերվում է բոլոր այն երկրների աշխարհագրական դիրքերից, որտեղ ԱՄՆ-ն կոնֆլիկտ է առաջացրել:
«Իրան» օրաթերթ
Էմիգրանտներին վտարելու ԱՄՆ-ի նոր ծրագիրը
ԱՄՆ կառավարությունն էմիգրանտներին այդ երկրից հեռացնելու համար մշակել է նոր նախագիծ, որի գործարդրման համար դատական վճիռը պարտադիր չէ: Նախագիծը հնարավորություն է տալիս էմիգրանտներին երկրից հեռացնել մի քանի օորում՝ մի քանի շաբաթվա փոխարեն:
Նախագծի համաձայն, եթե էմիգրանտները չկարողանան ապացուցել, որ վերջին 2 տարիների ընթացքում մշատապես բնակվել են ԱՄՆ-ում, անմիջապես հեռացվելու են երկրից: Նախատեսվում է, որ նման մարդկանց թիվը մեծ է լինելու:
«Համշահրի» օրաթերթ
ԻԻՀ Տրանսպորտի նախարար. Երկրում կառուցվում է 1100 կմ մայրուղի
ԻԻՀ Տրանսպորտի նախարարը հայտարարել է, որ ներկա դրությամբ, երկրում կառուցվում է 1100 կմ անվճար մայրուղի:
Մոհամմադ Էսլամին հայտարարել է, որ Իրանում ներկայումս գործում է 2300 կմ անվճար ճանապարհ:
Ջամե ջամ օրաթերթ
Ռուսաստանը խափանում է Իրանի սահմանների մոտ թռիչք իրականացնող F 22 եւ F 35 նավիգացիոն համակարգերի աշխատանքը
National InterTest- ի թղթակից և ԱՄՆ-ի ռազմական լրագրող Դեյվիդ Իքսը գրել է, որ Ռուսաստանը խափանում է Իրանի սահմանների մոտ թռիչք իրականացնող F 22 եւ F 35 նավիգացիոն համակարգերի աշխատանքը:
armenpress.am
Հայտնի է Մեծ Բրիտանիայի նոր վարչապետի անունը
Բորիս Ջոնսոնը կգլխավորի Մեծ Բրիտանիայի Պահպանողականների կուսակցությունը: Հուլիսի 24-ին Լոնդոնի նախկին քաղաքապետ ու երկրի նախկին արտգործնախարար Ջոնսոնը կդառնա Միացյալ Թագավորության նոր վարչապետը:
Ինչպես հաղորդում է «Արմենպրես»-ը՝ վկայակոչելով բրիտանական լրատվամիջոցները, կառավարության ղեկավարի պոստը լքող Թերեզա Մեյն արդեն շնորհավորել է Ջոնսոնին՝ իշխող կուսակցության ղեկն ստանձնելու կապակցությամբ:
Բորիս Ջոնսոնի օգտին քվեարկել է Պահպանողական կուսակցության 92 հազար 153 շարքային անդամ, իսկ նրա մրցակցի՝ Ջերեմի Հանթի օգտին՝ 45 հազար 656: Ջոնսոնը կառավարության նիստն առաջին անգամ կվարի հուլիսի 25-ին:
armenpress.am
ԵՄ-ն զսպվածության կոչ Է արել Հորմուզի նեղուցը պարեկել պլանավորող ապագա կոալիցիային
Եվրամիությունը (ԵՄ) սերտ շփան մեջ Է այն երկրների հետ, որոնք մտադիր են պարեկել Հորմուզի նեղուցն ազատ նավարկություն ապահովելու համար, սակայն բոլոր կողմերին զսպվածության կոչ Է անում: Ինչպես տեղեկացնում Է «Արմենպրես»-ը, հուլիսի 23-ին այդ մասին հայտարարել Է Եվրամիության արտաքին քաղաքական ծառայության ներկայացուցիչ Մայա Կոսյանչիչը Բրյուսելում կայացած ճեպազրույցում:
«Հետեւում ենք իրադրության զարգացմանը եւ սերտ շփման մեջ ենք գտնվում այն բոլոր երկրների հետ, որոնք աշխատում են Որմզդի նեղուցում ծովային ուղիների անվտանգության հասնելու նպատակով: Մենք կրկնում ենք առավելագույն զսպվածության՝ մեր կոչը»,- հայտարարել Է նա, հաղորդել Է ՏԱՍՍ-ը:
panorama.am
ԱՄՆ-ն Թուրքիային հեռացրել է F-35 կործանիչների ծրագրից
ԱՄՆ-ն Թուրքիային հեռացրել է F-35 կործանիչների ծրագրից այն բանից հետո, երբ Ռուսաստանը սկսել է Թուրքիային մատակարարել ռուսական արտադրության S-400 զենիթահրթիռային ՀՕՊ համակարգեր։ Այս մասին տեղեկանում ենք Էրմենիհաբերից։
Թուրքական աղբյուրի փոխանցմամբ՝ այդ որոշումը կազդի F-35 մարտական օդանավերի արտադրության վրա, քանի որ դրանց անհրաժեշտ 400 միավոր դետալ արտադրվում է Թուրքիայում։ Ծրագրից Թուքրիային հեռացնելու ընդհանուր ծախսերը հաշվարկվում են մոտ 600 մլն դոլար։
Ըստ թուրքական աղբյուրի՝ այդ ծախսերն իրականում ավելի շատ են։ Ենթադրվում է, որ Թուրքիային ծրագրից հեռացնելու համար ԱՄՆ-ն 1 մլրդ դոլարի ծախս կանի։
Հիշեցնենք, որ ԱՄՆ-ն Թուրքիային վաճառել էր 75 հատ F-35 կործանիչ, սակայն դրանց մատակարարումը 2 տարի է հետաձգվում է։
panorama.am
Հունաստանը աչք չի փակելու Թուրքիայի պատերազմի սպառնալիքների վրա
Հունաստանի արտգործնախարար Նիկոս Դենդիասն անդրադարձել է Միջերկրական ծովի արևելքում Թուրքիայի գործողություններին: Նախարարը հայտարարել է, որ Հունաստանը չի պատրաստվում աչք փակել Թուրքիայի պատերազմի սպառնալիքների վրա: Այս մասին տեղեկանում ենք Էրմենիհաբերից։
«Միջազգային իրավական նորմերը հարգելն առաջնային է: Մեզ համար ակնհայտ է, որ Թուրքիան պետք է վերջ տա հորատման աշխատանքներին»,- նշել է Դենդիասը:
Հույն նախարարը նաև հավելել է, որ Հունաստանն ու Կիպրոսի Հանրապետությունը սերտորեն համագործակցում են Միջերկրական ծովի արևելքում ստեղծված լարվածության հաղթահարել կարողանալու համար:
Հիշեցնենք, որ Թուրքիան Հյուսիսային Կիպրոսի թուրքական ինքնահռչակ հանրապետության անունից Կիպրոսի հարակից ջրային տարածքներում հորատման և բնական գազի որոնման աշխատանքներ է իրականացնում: Եվ ահա այդ գործողությունները Կիպրոսի և Հունաստանի հետ ճգնաժամային լարվածության պատճառ են դարձել:
