Մամուլի տեսություն 2019-13-10
Այսօրվա մամուլի խորագրերը վերաբերում են Արևելյան Եփրատում հումանիտար աղետին, Թեհրանի բորսայի առղծվածին, Անսարալլահ շարժման հայտարարությանն առ այն, որ «Եմենի ժողովուրդը չի սարսափում Սաուդյան Արաբիայի կոալիցիայից և ԱՄՆ-ից», և Իրանի ու Սաուդյան Արաբիայի միջև Իմրան Խանի միջնորդությանը:
«Արմանե մելի» օրաթերթ
Հումանիտար աղետ Արևելյան Եփրատում
Հինգ օր է անցել թուրք-սիրիական սահմանին «Խաղաղության աղբյուր» ռազմական գործողության մեկնարկից և քրդական տարածքներ Թուրքիայի բանակի ոը Սիրիայի ընդդիմադիր ուժերի ներթափանցման հետևանքով, տարածաշրջանի լարվածությունն ավելի է աճել: Թուրքիայի նախագահն ասել է, որ Անկարան վճռական է շարունակել իր գործողությունները, և այդ քայլի քննադատությունը չեն կարող այդ երկրին: Իրանը, Ռուսաստանը և Թուրքիան Աստանայի բանակցությունների շրջանակում, արդեն երկար ժամանակ ջանքեր են գործադրում Սիրիայում խաղաղություն հաստատելու համար: Սակայն Անկարայի քայլը ավելի է բարդացրել խաղաղության հասնելու պայմանները:
Իրանը բազմիցս հանդես է եկել առաջարկություններով ՝ տարածաշրջանում խաղաղությունը պահպանելու համար և Մոհամեդ Ջավադ Զարիֆն ասել է, որ այս առաջարկությունները գործադրելով, հնարավոր է կանխվել աղետը:
«Իրան» օրաթերթ
Թեհրանի բորսայի առեղծվածային օրերը
Բորսայի գործադիր տնօրենն ասել է, որ տարեսկզբից առ այսօր մոտ 400,000 մարդ մուտք է գործել Թեհրանի բորսա: Այսինքն ամեն օր ավելի քան 2200 մարդ ստացել է բորսայի կոդեր: Երկրում ֆոնդային բորսայի կոդերի թիվը հասել է 13 միլիոնի:
«Քեյհան» օրաթերթ
Անսարոլլահ շարժում. «Եմենի ժողովուրդը չի վախենում Սաուդյան Արաբիայից ու ԱՄՆ-ից քանի որ ապավինում է Աստծուն»
Այն պայմաններում, երբ ԱՄՆ-ը թիկունք դարձնելով քրդերին, նրանց մենակ է թողել թուրքական բանակի դիմաց, լուրեր են տարածվել, որ Վաշինգտոնը նոր խոստումներ է տվել իր դաշնակից Սաուդյան Արաբիային: Ուրբաթ օրը, Պենտագոնը հայտարարել է, որ առաջիկայում նոր զորուժ և զինտեխնիկա է տեղակայելու Սաուդյան Արաբիայում:
Եմենի հեղափոխության Գերագույն կոմիտեի ղեկավարը Թուիթերում գրել է.«Եմենի ժողովուրդը չի վախենում ձեր կոալիցիոն ուժերից, զենքից և հրամանատարությունից, քանի որ նրանք ապավինում են Աստծուն»:
Մոհամմեդ Ալի ալ-Հութին հավելել է. «Ամերիկայի ժողովուրդը պետք է ընդունի այն փաստը, որ զորքերի ավելացումը չի նշանակում հաղթանակ, այն ինչը 14 հազար զինվոր չի կարողացել իրականացնել, երկու հազար կամ երեք հազար զինվոր էլ չի կարող անել»:
«Ջոմհուրի Էսլամի» օրաթերթ
Իմրան խանը Թեհրանում, միջնորդություն է անելու Իրանի և Սաուդյան Արաբիայի միջև
Պակիստանի վարչապետը կիրակի օրը ժամանել է Թեհրան: Որոշ քաղաքական և լրատվական աղբյուրներ Էմրան խանի այցը տեսնում են որպես Իրանի և Սաուդյան Արաբիայի միջև լարվածությունը մեղմելու փորձ:
Իրանի արտգործնախարարության խոսնակն անդրադառնալով Ւմրան Խանի Իրանի և Սաուդյան Արաբիայի միջև միջնորդելու հարցին նշել է, որ մինչ այժմ միջնորդության հարց չի եղել: Այնուամենայնիվ, Պակիստանի վարչապետ Իմրան Խանի Թեհրան կատարծ այցի օրակարգում է միջնորդությունը Սաուդյան Արաբիայի և Իրանի միջև: Այցը կարարվել է Սաուդյան Արքայազն Մոհամմադ բին Սալմանի հետ Իմրան Խանի հանդիպումից և Արամքոյի վրա իրականացված հարձակումից հետո:
Իմրան Խանի այցը Իրան և հետո Սաուդյան Արաբիա, ինչպես հայտարարել են պակիստանյան լրատվամիջոցները, նշանակում է շարունակել առաջընթացն այս ճանապարհով:
Ճապոնիայում թայֆունից տուժածների թիվը գերազանցում է 50-ը
«Հագիբիս» թայֆունի հետևանքով տուժածների թիվը անցնում է 50-ը: Մեկ մարդ մահացել է, չորսը համարվում են անհետ կորած: Այս մասին հայտնում է «ՌԻԱ Նովոստի»-ն:
Ճապոնիայում 9 մլն մարդու համար հայտարարված է պարտադիր տարհանում կամ խորհուրդ է տրվել տարհանվել: Տարբեր քաղաքներում, այդ թվում և Տոկիոյում, հայտարարվել է վտանգի ամենաբարձր մակարդակ:
Թայֆունի կենտրոնում քամու արագությունը հասնում է 65 մ/վ-ի: «Հագիբիս»-ն իր ուժգնությամբ համեմատվում է «Իդա» թայֆունի հետ, որը խլել էր 1269 մարդու կյանք:
Ֆրանսիան դադարեցնում է զենքի մատակարարումը Թուրքիային
Թուրքիայի զինված ուժերը և Սիրիայի ազգային բանակը, որոնք շարունակում են, այսպես կոչված, «խաղաղության աղբյուր» կոչվող ռազմական գործողությունները, կրկին միջազգային օրակարգում են: Այս մասին գրում է թուրքական En Son Haber կայքը: Ֆրանսիայի պաշտպանության և արտաքին գործերի նախարարությունները հայտարարել են, որ Սիրիայի հյուսիս-արևելքում կապված Թուրքիայի ռազմական գործողությունների հետ, Ֆրանսիան դադարեցնում է բոլոր զինատեսակների մատակարարումը Թուրքիային:Գերմանիան, Նորվեգիան, Ֆինլանդիան և Նիդեռլանդները նույնպես հայտարարել են, որ դադարեցնելու են զենքի մատակարարումը Թուրքիային, մինչդեռ Իսպանիան հայտարարել է, որ Սիրիայում իրավիճակի սրման դեպքում Թուրքիային կմատակարարի Patriot ՀՕՊ համակարգեր: Հիշեցնենք, որ հոկտեմբերի 9-ին Թուրքիան հայտարարել է Սիրիայում ռազմական գործողության մեկնարկի մասին, որի արդյունքում երկիրն արդեն հարվածներ է հասցրել սիրիական Թել Աբյադ, Ռաս էլ Այն քաղաքներին ու այլ բնակավայրերի: Նպատակը տարածքը «ՔԱԿ-ի ահաբեկիչներից մաքրելն է», այնտեղ անվտանգության գոտի ստեղծելն ու 3-4 միլիոն սիրիացի փախստականներին բնակեցնելը:
Հայաստանի վարչապետ Նիկոլ Փաշինյանը հեռախոսազրույց է ունեցել Ռուսաստանի Դաշնության նախագահ Վլադիմիր Պուտինի հետ։
Երկու երկրների առաջնորդներն ի շարունակություն երեկ Աշխաբադում ԱՊՀ գագաթնաժողովի շրջանակում ունեցած զրույցի՝ քննարկել են Սիրիայի հյուսիսում ստեղծված իրավիճակը։
Անդրադարձ է կատարվել նաև տարածաշրջանային նշանակության այլ հարցերի։
Այս կապակցությամբ, Նիկոլ Փաշինյանը Ֆեյսբուքի իր էջում գրել է. «Քիչ առաջ հեռախոսազրույց ունեցա Ռուսաստանի նախագահ Վլադիմիր Պուտինի հետ: Երեկ նրան Մի խնդրանքով էի դիմել, որը կարեւոր է Սիրիայի հայ համայնքի անվտանգության համար: ՌԴ նախագահին շնորհակալ եմ արագ արձագանքի համար»:
Պատրաստ ենք սիրիահայ երեխաներին ընդունել մեր ընտանիքներում. Նաիրա Զոհրաբյանը դիմում է ՀՀ ԱԳՆ-ին
Պատրաստ ենք սիրիահայ երեխաներին ընդունել մեր ընտանիքներում։ Այս մասին ֆեյսբուքյան իր էջում գրել է ՀՀ ԱԺ «Բարգավաճ Հայաստան» խմբակցության պատգամավոր Նաիրա Զոհրաբյանը։
«Իմ լավ ընկեր Տարոն Միասարյանը ինձ հարցնում էր, թե ինչպե՞ս կարող է օգնել տարհանելու թուրքական ռմբակոծության տակ գտնվող հայկական բնակավայրերից հայ երեխաներին, տեղափոխել Հայաստան և ուզում էր, որ իր տանն էլ անպայման ապրեն երեխաներ:
Դիմում եմ Հայաստանի արտաքին գործերի նախարարությանը. եթե կա հնարավորություն երեխաներին տեղափոխելու Հայաստան, մեզանից շատերը պատրաստ են երեխաներին ընդունել մեր ընտանիքներում:
Որպես պատգամավոր, պատրաստ եմ նաև իմ գործընկերների հետ մեկնել կոնֆլիկտի գոտի, երեխաների տարհանումը կազմակերպելու համար»,-նշել է նա:
