Ուրանի հարստացումը Ֆորդոյում. Իրանի պատասխանը Եվրոպայի պասիվությանը

Ֆորդոյի միջուկային օբյեկտում ուրանի հարստացման աշխատանքն սկսվելով, մեկնարկեց ՀԳՀԾ-ի շրջանակում պարտավորությունների կրճատմանն ուղղված Իրանի չորրորդ քայլը և ժամանակի ընթացքում ուրանի հարստացման մակարդակը կբարձրանա մինչև հինգ տոկոս:

Իրանի Ատոմային էներգիայի կազմակերպությունը հինգշաբթի օրը հայտարարել է, որ  ԻԻՀ նախագահ  Հասան Ռոհանիի կարգադրությամբ, Ֆորդոյի միջուկային օբյեկտում  մեկնարկել են 1044  ցենտրիֆուգների գազով լիցքավորելու աշխատանքները:

Իրանի Ատոմային էներգիայի կազմակերպության խոսնակ Բեհրուզ Քեմալվանդին չորեքշաբթի երեկոյան ասել է.«Առաջիկա շաբաթ օրը Ֆորդոյի միջուկային օբյեկտում  ուրանի հարստացման մակարդակը կբարձրանա մինչև 4.5 տոկոսի»:

Իրանի Ատոմային էներգիայի կազմակերպության ղեկավար Ալի Աքբար Սալեհիի խոսքով. «Իրանի պարտավորությունների կրճատման չորրրորդ քայլի շրջանակում, ուրանի  հարստացման մակարդակը հասնելու է մինչև 5 տոկոսի»:

Ուրանի հարստացումը միջուկային արդյունաբերության կարևորագույն բաժինն է և Իրանը այս բնագավառում հաջողություններ է ունեցել: Իրանը ներկայումս ուրանի հարստացման մակարդակը մինչև 20 տոկոսի հասցնելու կարողություն ունի, սակայն առայժմ դրա կարիքը չունի: 

Իրանում ուրանի հարստացման տեխնոլոգիան տեղայնացվել է, ինչը երկրի միջուկային արդյունաբերության ռազմավարական կետն է համարվում և կենսական նշանակություն ունի  միջուկային խաղաղանպատակ զարգացման,  ռադիոդեղերի արտադրության և գյուղանտնտեսության ու արդյունաբերության ոլորտներում: 

Այլ խոսքով կարելի է ասել, որ Իրանի միջուկային արդյունաբերությունը զարգացում է ապրում և իրանցի գիտնականները նվաճել են այս արդյունաբերության տեխնոլոգիայի գագաթները:

Իրանի միջուկային արդյունաբերությունը ՀԳՀԾ-ի հետ միասին քայլում է խաղաղանպատակ ճանապարհով և Նաթանզում  IR-6 ցենտրիֆուգների նոր սերնդի շնորհանդեսը վկայում է Իրանի միջուկային արդյունաբերության զարգացման մասին, ինչը չնայած ԱՄՆ-ի առավելագույն ճնշման քաղաքականության, չի դադարել:

ՀԳՀԾ-ով ստանձնած պարտավորությունների կրճատման Իրանի չորրորդ քայլն իրականացել է միջուկային համաձայնագրի 36-րդ կետի շրջանակում և սա համաձայնագրի խախտում չի նշանակում: 

Եվրոպական երկրների կողմից Ֆորդոյի միջուկային օբյեկտում Իրանի նոր քայլին ցուցաբերված արձագանքը քաղաքական բնույթ է կրում, մինչդեռ այդ իրավունքը վերապահված է ՀԳՀԾ-ի բոլոր կողմերին, և եթե կողմերից մեկը չի կատարում իր պարտավորությունները, մյուս կողմը ևս կարող է չկատարել իր պարտավորությունների մի մասը:

ՄԱԳԱՏԷ-ի նախկին գլխավոր քարտուղար Հանս Բլիքսն արձագանքելով Ֆորդոյի միջուկային օբյեկտում ուրանի հարստացմանը, ասել է.«ՀԳՀԾ-ի շրջանակում Իրանի կողմից պարտավորությունները կրճատվելու չորրորդ քայլն իրականանում է միջուկային համաձայնագրի շրջանակում»:

Արձագանքելով բազմակողմ միջուկային համաձայնագրից ԱՄՆ-ի դուրս գալու հետևանքով  եվրոպական երկրների  պասիվ քայլերին և  նրանց  թերացումներին,  Իրանը սկսել է իր պարտավորությունների կրճատումը:

Փաստորեն Իրանի նոր քայլերն արվում են եվրոպացիների պասիվ վերաբերմունքի հետևանքով: Նրանք քայլում են  ԱՄՆ-ի հակաիրանական քաղաքականություններին զուգահեռ: 

Այնուամենայնիվ Իրանը սկսելով չորրորդ քայլը, ևս երկու ամիս ժամանակ է տվել եվրոպական երկրներին, որպեսզի իրենց  պարտավորությունները  կատարելով, ՀԳՀԾ-ն վերադարձնեն նախկին վիճակին, հակառակ դեպքում, Իրանն իր ազգային շահերը պահպանելու նպատակով, կանի հինգերորդ քայլը: