Մամուլի տեսություն 05.05.2020
ԱՄՆ-ի հարյուրավոր բնակիչներ բողոքել են կորոնավիրուսի դեմ պայքարի շրջանակներում կիրառված սահմանափակումների դեմ:
Քեյհան օրաթերթ
ԱՄՆ-ի ինտերնատներում մահացել է 16 հազար մարդ
USA Today օրաթերթը գրել է, որ տուն-ինտերնատների հազարավոր բնակիչներ ու աշխատակցիներ մահացել են կորոնավիրուսից:
«Մեր հիվանդները միջատների նման թափված են գետնին» հոդվածի հեղինակը գրել է. «Նշված ինտերնատներում մահացել է 126 հազար մարդ, ինչը կազմում է կորոնավիրուսի պատճառով մահացության դեպքերի մեկ չորրորդը»:
Խորասան օարթերթ
Իրաքում ԻԼԻՊ-ի նոր տեղաշարժերի իրական պատճառները
Հակառակ որոշ լրատվամիջոցների պնդումների, կորոնավիրուսի տարածման պայմաններում ԻԼԻՊ-ը ոչ միայն չի հրաժարվել իր գործողություններից, այլ ըստ որոշ ռազմական հրամանատարների, ժամանակակից և զարգացած սպառազինության միջոցով, նոր հաձակումներ է իրականացնում Իրաքում:
Վերջին հարձակումն ԻԼԻՊ-ն իրականացրել է Հաշդ ալ Շաբի ուժերի դեմ:
Անշուշտ, ամերիկացիները ցանկություն չունեն դուրս գալ Իրաքից և այդ երկիրը հանձնել շիա խմբերին ու ընդդիմությանը: Ուստի պետք է ասել, որ Իրաքում ԻԼԻՊ-ի վերականգնումը և այդ երկրում անապահովություններ հրահրելը հարմար առիթ են տալիս ԱՄՆ-ին՝ Իրաքում իր ներկայցությունն արդարացնելու համար: Ասվում է նաև, որ ԱՄՆ-ի և Իրաքի առաջիկա համատեղ նիստի շեմին իրականացված գործողությունները վկայում են, որ ԱՄՆ-ը ցանկանում է ավելի շատ փաստարկներով մասնակցել հանդիպմանը:
Իրան օրաթերթ
Բողոքի ցույց ԱՄՆ-ում, կիրառված սահմանափակումների դեմ
ԱՄՆ-ի Բոստոն քաղաքում, հարյուրավոր բողոքարարներ ցույց են իրականացրել Մասաչուսեթս նահանգի Կոնգրեսի շենքի դիմաց: Ցուցարարները բողոքել են կիրառված սահմանափակությունների դեմ, նահանգապետից պահանջելով վերացնել դրանք:
Ցուցարարները, ակցիային մասնակցել են չպահպանելով ֆիզիկական տարածությունը և առանց բժշկական դիմակների: Նրանք պահանջել են վերջ տալ պարտադիր պարապուրդին:
Էթեմադ օրաթերթ
Գերմանիայում մտահոգություններ կան ծայրահեղականների կապակցությամբ
Աջ ուժերը քաղաքականապես շահարկում են ստեղծված դժգոհությունը և դա օգտագորխում որպես լծակ կառավարության դեմ:
Անցած օրը, Գերմանիայի շատ քաղաքներում տեղի են ունեցել ծայրահեղական ուժերի բողոքի ցույցեր, կորոնավիրուսի դեմ պայքարի շրջանակում կառավարության ընդունած որոշումների դեմ:
Ցույցի կազմակերպիչները եղել են աջակողմյան ու պոպուլսիտական կուսակցությունները: Վերջիններս հայտարարել են, որ Գերմանիայի կողմից իրականացվող միջոցառումները խախտում են մարդու իրավունքները:
armenpress.am
Նոր Զելանդիան դեռ երկար ժամանակ չի բացի սահմանները օտարերկրացիների համար
Նոր Զելանդիայի վարչապետ Ջասինդա Արդերնը հայտարարել է, որ, կորոնավիրուսով պայմանավորված, դեռ երկար ժամանակ չի պատրաստվում բացել սահմանները օտարերկրացիների համար:
«Արմենպրես»-ի հաղորդմամբ, այս մասին տեղեկացնում է «Ինտերֆակս»-ը: Նա հայտարարել է, որ Ավստրալիայի հետ քննարկել են երկու երկրների քաղաքացիների տեղաշարժի հնարավորությունը: Ջասինդա Արդերնը տեղեկացրել է, որ այլ երկրների քաղաքացիները դեռ հնարավորություն չեն ունենա մուտք գործելու Նոր Զելանդիա:
Նոր Զելանդիան և Ավստրալիան շատ արագ փակել են սահմանները օտարերկրացիների համար, երբ աշխարհում տեղի ունեցավ կորոնավիրուսի բռնկում: Երկու երկրներն էլ ներկայում հայտնում են վարակի տարածման դեմ պայքարում իրենց հաջողության մասին:
Նոր Զելանդիան երկրորդ օրն անընդմեջ հայտնում է նոր դեպքերի բացակայության մասին: Երկրում ընդհանուր առմամբ գրանցվել է վարակվածության 1 137 դեպք, 20 մարդ մահացել է: Ավստրալիայում հաստատված դեպքերի թիվը կազմում է ավելի քան 6 հազար 800, մահացել է 96 մարդ: Վերջին օրերին այնտեղ գրանցվում է 10-19 նոր դեպք:
armenpress.am
Չինաստանը բացել է երկաթուղային բեռնափոխադրումների նոր ուղի դեպի Եվրոպա
Չինաստան-Եվրոպա երկաթուղային բեռնափոխադրումների նոր ուղին, որը կապում է չինական Իու քաղաքը Լիտվայի մայրաքաղաք Վիլնյուսի հետ, բացվել է մայիսի 4-ին:
«Արմենպրես»-ի հաղորդմամբ, «ՌԻԱ Նովոստի»-ն տեղեկացնում է, որ երթուղու երկարությունը 10 146 կմ է, անցնում է Ղազախստանով, Ռուսաստանով և Բելառուսով: Վիլնյուսից բեռները կուղղվեն Եվրոպայի 36 երկիր՝ ներառյալ Իսպանիան, Դանիան, Շվեյցարիան, Ֆրանսիան:
Երկաթգծի ուղղության գործարկումը դարձավ նոր գիծ միջազգային փոխադրումների համար համավարակի պայմաններում:
Ներկայում Իու քաղաքը 12 բեռնափոխադրումային երթուղիներով կապված է 37 երկրների ու շրջանների հետ ամբողջ Եվրասիայում:
panarmenian.net
Մադուրո․ Թրամփի 2 ծառայող Վենեսուելայում ձերբակալվել է հեղաշրջման փորձի մեղադրանքով
ԱՄՆ նախագահ Դոնալդ Թրամփի անվտանգության ծառայության 2 աշխատող Վենեսուելայում ձերբակալվել է ենթադրյալ պետական հեղաշրջում կազմակերպելու մեղադրանքով, հայտնել է նախագահ Նիկոլաս Մադուրոն, փոխանցում է DW-ն։
Մադուրոն հայտնել է, որ երկրում ձերբակալվել է 15 մարդ, որոնք ենթադրվում է՝ երկիր ներխուժելու փորձ են արել։
Վենեսուելայի առաջնորդն ասել է, որ գործողությունը համաձայնեցված է եղել Վաշինգտոնի հետ, նպատակ է ունեցել իր երկիր ներթափանցել ծովային ճանապարհով ու հեռացնել իշխանությանը Կարակասից։
Երկրի զինված ուժերի ներկայացուցիչ Ռեմիխիո Սեբայոսը հայտնել է Վենեսուելայի զինված ուժերը բերվել են լիարժեք մարտական պատրաստության, նրա խոսքով՝ 25,000-ից ավելի մարդ ԶՈւ-ում ներգրավվել է երկիրը սպառնալիքից պաշտպանելու գործողություններում։
Ավելի վաղ Վենեսուելայի ղեկավարությունը հայտնել էր, որ մի խումբ վարձկաններ երկիր են ներխուժել՝ պետական հեղաշրջում անելու համար։ Նշվում էր, որ 8 զոհ կա, Կոլումբիայի իշխանություններն ԱՄՆ-ին մեղադրել էին երկրում հեղաշրջում կազմակերպելու փորձի մեջ։
panarmenian.net
Պուտինը Կիմ Չեն Ընին Հաղթանակի 75-ամյակի մեդալով է պարգևատրել
ՌԴ նախագահ Վլադիմիր Պուտինը Հյուսիսային Կորեայի առաջնորդ Կիմ Չեն Ընին պարգևատրել է «1941-1945թթ․ Մեծ Հայրենական պատերազմում Հաղթանակի 75-ամյակի» հոբելյանական մեդալով։ Այդ մասին հայտնել է Հս. Կորեայում ՌԴ դեսպանությունը։
Մեդալը հանձնվել է Վլադիմիր Պուտինի 2019-ի հունիսի 13-ի հրամանագրով։ Այն «ԿԺԴՀ տարածքում հուղարկավորված սովետական քաղաքացիների հիշատակի հավերժացման գործում մեծ անձնական ավանդի և սովետական զինվորների հուշարձանների պահպանության համար հոգ տանելու համար» է, գրում է Novaya Gazeta-ն։
Մայիսի 5-ին ՌԴ դեսպանը հանդիսավոր պայմաններում փոխանցել է մեդալը Հյուսիսային Կորեայի ԱԳ նախարար Լի Սոն Գվոնին։
