Կորոնավիրուսի դեմ պայքարում Իրանի բժշկական ոլորտի ձեռքբերումները

Կորոնավիրուսի դեմ Իրանւ պայքարը մինչ օրս արդյունավետ է եղել, չնայած ճնշումներին ու սպառնալիքներին:

Շաբաթ օրը, կորոնավիրուսի դեմ պայքարի ազգային շտաբի նիստում, նշելով, որ գիտական ոլորտում Իրանն զբաղեցնում է աշխարհում 15-րդ, իսկ Արևմտյան Ասիայում ու իսլամ աշխարհում առաջին տեղը, ԻԻՀ նախագահ Հասան Ռոհանին տեղեկացրել է կորոնավիրուսի դեմ պայքարում Իրանի նոր հաջողությունների մասին:

Կորոնավիրուսի դեմ պայքարի համար պահանջվում է առողջապահական ու բուժման կարողություններ: Իրանի առողջապահության նախարարության հայտարարության համաձայն, առաջին փուլում, 78 միլիոն իրանցիների շրջանակում սքրինինգ է անցկացրել երկրի առողջության առաջնային պահպանության կառույցների մասնակցությամբ, ինչը զգալիորեն նվազեցրել է հիվանդանոցներ ուղղակի դիմողների թիվը Իսկ երկրորդ փուլում սքրինինգ է անցկացվել ռիսկի մեջ գտնվող ավելի քան 38 միլիոն մարդու մոտ:

Իսլամական «Նիմե շաբան» տոնի առիթով ունեցած հեռուստատեսային ելույթի ժամանակ, հեղափոխության մեծարգո առաջնորդ Այաթոլլահ Խամենեին առողջապահության ու բուժման ոլորտի աշխատողներին Իրանի պարծանքն է համարել:

Իրանը բժշկական պանծալի անցյալ ունի վարակիչ հիվանդությունների կանխման հարցում:

Աշխարհում կորոնավիրուսով վարակվածների թիվն անցել է 7 միլիոնը, որոնցից մահացել է շուրջ 400000-ը: Իրանում կորոնավիրուսով վարակված է շուրջ 170 հազար մարդ: Ավելի քան 132 հազարը բուժվել են և 8 հազար 209 հոգի՝ մահացել:

Իրանը կարևոր քայլեր է ձեռնարկել բժշկական ծառայությունների մատուցման,  բուժման, կանխարգելման, սքրինինգի, շրջակա միջավայրի առողջության և հանրային կենտրոններում առողջապահության պահպանման գործում և մինչ օրս ավելի քան մեկ միլիոն մարդ կորոնավիրուսի թեստ է անցել:

Այս բոլորն այն դեպքում, երբ Իրանի առողջապահության փոխնախարար, դեղորայքի ու սննդի կազմակերպության տնօրեն Մոհամմեդռեզա Շանեսազը հայտարարել է, որ դեղորայքի և բժշկական սարքավորումների  նկատմամբ կիրառված սահմանափակումների պատճառով, Իրանի ժողովրդի համար  բազմաթիվ խնդիրներ են առաջացել :

ԱՄՆ-ն փորձում էր կորոնավիրուսի դեմ պայքարի դվար օրերին նդիրներ հարուցել  Իրանին, այն դեպքում, երբ այսօր թույլ կառավարման և հասարակության առողջության նկատմամբ անտարբերության պատճառով, այդ երկիրն առաջին տեղն է զբաղեցնում կորոնավիրուսով վարակվածների առումով: 

Այս վիրուսի դեմ պայքարում բացահայտվեցին բուժման ու առողջապահական հարցերում ԱՄՆ-ի ու Եվրոպայի թուլությունները, այդ թվում բժշկական դիմակների, սարքավորումների ու դեղորայքի գողությունը:

Այսօր ԻԻՀ հպարտությամբ հայտարարում է, որ կարող է մյուս երկրներին փոխանցել  կորոնավիրուսի դեմ պայքարում իր հաջող փորձը: Այդ ուղղությամբ Իրանում ձեռնարկված քայլերը բարձր են գնահատվել Առողջապահության համաշխարհային կազմակերպության կողմից:

Անկասկած ավարտվելու են կորոնավիրուսային այս դժվարին օրերը և մնալու են միայն բժշկական ու առողջապահական պանծալի ձեռքբերումները: