Մամուլի տեսություն 10.06.2020
Չնայած կորոնավիրուսի պանդեմիայի հետևանքով համաշխարհային տնտեսությունն այս տարի գրանցելու է 2.5 տոկոս անկում, Համաշխարհային բանկի կանխատեսմամբ, 2021թ Իրանը կարձանագրի տնտեսական աճ:
Մարդոմսալարի օրաթերթ
Կանխատեսվում է, որ Իրանը հաջորդ տարի կգրանցի տնտեսական աճ
Այս տարի համաշխարհային տնտեսությունը կգրանցի 2.5 տոկոս անկում, իսկ Իրանի տնտեսությունը 5.3 տոկոս բացասական աճ: Սակայն 2021թ Իրանի տնտեսության համար կանխատեսվել է 2.1 տոկոս դրական աճ:
Կորոնավիրուսն արագ տեմպով տարածվում է աշխարհում: Միլիոնավոր մարդիկ վարակված են, մեծ թվով երկրներում տնտեսությունը համարյա կանգնած վիճակում է: Եվ համաշխարհային տնտեսության վրա այս իրավիճակի ավերիչ հետևանքներն արդեն տեսանելի են:
Համաշխարհային բանկի գնահատմամբ, սա վերջին ատսնամյակների ընթացքում համաշխարհային տնետսության կրած ամենամեծ ցնցումն է:
Քեյհան օրաթերթ
Իրանը կարող է նախագծել Boeing և Airbus ինքնաթիռների պահեստամասեր
Իրանի ազգային ավիացիոն կազմակերպության ղեկավար Ալի Աբեդզադեն, անդրադառնալով իրանական ավիաընկերությունների նկատմամբ ԱՄՆ-ի գործադրած ճնշումներին ու կիրառած սահմանափակումներին, հայկտարարել է. «Առկա իրավիճակում, իրանցի մասնագետները, հենվելով ներքին կարողությունների վրա, կարևոր ձեռքբերումներ են արձանագրել ինքնաթիռների շարժիչների վերանորոգման ոլորտում և կարողացել են իրականացնել բարդ վերանորոգման աշխատանքներ»:
Նա հավելել է. «Քանի որ Boeing- ը և Airbus- ը չեն վերանորոգում իրանական ինքնաթիռների պահեստամասերը, մեր մասնագետներին հաջողվել է ճշգրիտ հաշվարկների միջոցով նախագծել այդ պահեստամասերը»:
Ջավան օրաթերթ
Ֆուկույամա. Միացյալ Նահանգները քայքայվում են, համաշխարհային կարգը քանդվում է
Մեծ ճգնաժամերն ունեն մեծ, սովորաբար անկանխատեսելի հետևանքներ:
Որպես օրինակ, Մեծ դեպրեսիան հանգեցրեց ազգայնականության ու ֆաշիզմի տարածմանը և Երկրորդ աշխարհամարտի մեկնարկին, Միացյալ Նահանգների գերտերություն դառնալուն և ի վերջո գաղութատիրության հաստատմանը:
2008թ համաշխարհային ճգնաժամը հանգեցրեց մարդկության դեմ ուղղված պոպուլիզմի առաջացմանը և համաշխարհային առաջնորդների փոփոխությանը: Պատմաբանները նման փոփոխություններ են կանխատեսում նաև կորոնավիրուսի պանդեմիայի հետևանքով և հիմա առաջնային խնդիրը կայանում է նրանում, թե ինչպես ժամանակից շուտ կանխատեսել այն մարտահրավերները որոնց հետ առերեսվելու է աշխարհը այս պանդեմիայից հետո:
Առաջիկա տարիներին, պանդեմիայի հետևանքով կարող է գրանցվել է ԱՄՆ-ի ուժի անկում և համաշխարհային ներկա կարգերի ոչնչացում և ամբողջ աշխարհում ֆաշիզմի վեչրածնունդ, ինչի հետևանքով կվերածնվի լիբերալ-դեմակրատականությունը և ի հայտ կգան նոր գերտերություններ:
Իրան օարթերթ
Ճապոնիայում հուղարկավորություններն օնլայն են անցկացվում
Կորոնավիրուսի պանդեմիայի պայմաններում, Ճապոնիայում մահացած քաղաքացիներիր բարեկամները հուղարկավորությանը մասնակցում են օնլայն:
Մայնիչի օրաթերթը գրել է, որ արարողությունն անց է կացվում տարբեր կրոնական վարյրերում և մահացածի հարազատների անունից իրականացվում են տարբեր տեսակի արարողություններ: Հոգևորականները օնլայն պատարագ են մատուցում հանգուցյալի հոգու հանսգտության համար և արարողության ամբողջ ընթացքը հարազատների համար ցուցադրվում է օնլայն:
armenpress.am
Մասնագետները նշել են կորոնավիրուսով հիվանդների առավել վարակիչ լինելու շրջանը
Կորոնավիրուսով վարակվածներն առավել ակտիվորեն են վարակը տարածում հիվանդության սկզբնական շրջանում: «Արմենպրես»-ի փոխանցմամբ` այս մասին հայտարարություն է տարածել համաճարակաբան, Առողջապահության համաշխարհային կազմակերպության COVID-19-ի հսկողության տեխնիկական տնօրեն Մարիա Վան Կերկխովեն: «Հիմնվելով այն շատ սահմանափակ տվյալների վրա, որոնք մենք հիմա ունենք, կարող ենք ասել, որ մարդու մարմնում շատ վիրուսային մասնիկներ են պարունակվում, երբ այն ախտանիշներ է զարգացնում, հիվանդության հենց սկզբում»,ասել է փորձագետը։
ԱՄՆ-ում և Գերմանիայում անցկացված ուսումնասիրությունների նախնական արդյունքների համաձայն ՝ COVID-19-ի թույլ և չափավոր ախտանիշներով մարդիկ վարակիչ են հիվանդության սկզբից 8-9 օրվա ընթացքում: Եվ ավելի ծանր ընթացքով դեպքերը վարակիչ են մնում շատ ավելի երկար։
Մասնագետի խոսքերով` ասիմպտոմ վարակակիրները հազվադեպ են տարածում կորոնավիրուսը: Բժիշկներից շատերը դրանում կասկածում էին, ինչը Վան Կերկխովեն բացատրեց, որ նման դեպքերը հազվադեպ են համաշխարհային մասշտաբով: Վարակման դեպքերի մեծ մասը եղել են այն ժամանակ, երբ ախտանիշներով մարդիկ վարակը փոխանցել են օդակաթիլային ճանապարհով։
Մարտի սկզբին ԱՀԿ-ն հայտարարեց նոր կորոնավիրուսային պանդեմիայի բռնկման մասին: Վերջին տվյալների համաձայն՝ ամբողջ աշխարհում վարակվածների ընդհանուր թիվը գերազանցել է յոթ միլիոնը, մահացել է ավելի քան 400 հազար մարդ:
armenpress.am
Էյֆելյան աշտարակն այցելուների համար կբացվի հունիսի 25-ից
Կորոնավիրուսի համաճարակի պատճառով մարտի կեսերից փակված Էյֆելյան աշտարակն իր առաջին այցելուներին կընդունի հունիսի 25-ից: «Արմենպրես»-ի փոխանցմամբ՝ այս մասին հայտնում է ՏԱՍՍ-ը՝ հղում անելով Ֆրանսիայի մշակութային արժեքների սպասարկման կազմակերպության տարածած հաղորդագրությանը:
«Երկրորդ համաշխարհային պատերազմից հետո առավելագույն երկար ժամանակով՝ ավելի քան 3 ամսով այցելուների համար փակված Էյֆելյան աշտարակը նորից բաց կլինի հունիսի 25-ից: 11 տարեկանից բարձր բոլոր այցելուների համար պարտադիր կլինի դիմակ կրելը»,- նշված է հաղորդագրությունում:
Կազմակերպությունը հայտնում է, որ հակահամաճարակային կանոնների պահպանմամբ պայմանավորված, որպեսզի այցելուների ճանապարհները չհատվեն, բարձրացողները կօգտվեն արևելյան, իսկ իջնողները՝ արևմտյան աստիճաններից:
panarmenian.net
Գիտնականներն արբանյակի նկարներով փորձում են հասկանալ՝ երբ ու որտեղ է տարածվել կորոնավիրուսը
Հարվարդի բժշկական քոլեջի աշխատակիցներն ուսումնասիրել են Ուհանի հիվանդանոցի՝ արբանյակներից արված պատկերները և նկատել, որ 2019-ի օգոստոսից դեկտեմբերն ընկած ժամանակահատվածում մեքենաների թվի կտրուկ աճ կա, փոխանցում է BBC-ն։
Այն համընկել է համացանցում «հազ» և «լուծ» բառերի որոնման կտրուկ աճի հետ։
Չինաստանում հետազոտությունն աբսուրդային էին համարել։ Նշվում է , որ երկրում կորոնավիրուսի բռնկումը սկսվել է 2019-ի նոյեմբերին, դեկտեմբերին Չինաստանի իշխանությունն ԱՀԿ-ին տեղեկացրել է անհայտ պատճառով թոքաբորբի ավելացման մասին։
Ըստ հետազոտության՝ շատերին առողջական խնդիրներն անհանգստացրել են մինչև կորոնավիրուսի համաճարակի մասին հայտարարելը։ Գիտնականներն ուսումնասիրել են նկարներն ու դրանք համեմատել նախորդ տարվա (2018-ի հոկտեմբեր) նույն ժամանակահատվածի հետ։ Ըստ տվյալների՝ 1 տարվա կտրվածքով Ուհանի ամենամեծ հիվանդանոցներից մեկի դիմաց ավտոմեքենաների թիվն աճել է 67%-ով։
Չնայած հետազոտությունը դեռ փորձագիտական գնահատականի չի արժանացել, այնուամենայնիվ` մասնագետները փորձում են գտնել վիրուսի տարածման իրական օջախներն ու ժամանակահատվածը։ Նշվում է, որ անհնար է իրադարձությունների ճշգրիտ շղթան վերականգնելը, սակայն կան տվյալներ, որ Ուհանի շուկան վիրուսի տարածման աղբյուրներից մեկն է եղել և ոչ միակը։ Իսկ քաղաքում դեռ 2019-ի ամռան վերջին հիվանդանոցների բակերում մարդկանց թվի աճ է նկատվել։
Ուհանը Չինաստանում վիրուսի տարածման օջախ էր համարվում։ Հունվարի 23-ից այնտեղ և չինական այլ քաղաքներում խիստ կարանտին էր հայտարարված։ Վարակի օջախ համարվող Չինաստանն արդեն հաղթահարել է վիրուսի ճգնաժամը։ Ներկայումս աշխարհում 7․2 մլնից ավելի մարդ է վարակված կորոնավիրուսով։
panarmenian.net
Բերգամոյի բնակիչների կեսից ավելին կորոնավիրուսի հակամարմիններ ունեն
Իտալական Բերգամո քաղաքի բնակիչների կեսից ավելին կորոնավիրուսի հակամարմիններ ունի: Այս մասին հայտնել են քաղաքային առողջապահական գործակալությունից (ATS Bergamo), փոխանցում է ՌԻԱ Նովոստին:
Բերգամոն Իտալիայում կորոնավիրուսի համաճարակից ամենատուժած քաղաքներից մեկն է։ Հակամարմինների թեստը հնարավորություն է տալիս հասկանալ՝ մարդն ունեցել է վիրուս, թե՝ ոչ։ Հակամարմինները նաև հնարավորություն են տալիս պարզել՝ կա կորոնավիրուսի դեմ իմունային ռեակցիա՝ անկախ նրանից, նկատվել են հիվանդության նշաններ, թե այն ասիմպտոմ է անցել։
Ապրիլի 23-ից հունիսի 3-ն ընկած ժամանակահատվածում անցկացված հետազոտության համաձայն՝ Բերգամոյի բնակիչների 56.9%-ը կորոնավիրուսի հակամարմիններ ունի։ Առողջապահության համակարգի աշխատողների մոտ այդ ցուցանիշը 30.6% է։
Համաձայն վերջին տվյալների՝ Իտալիայում վարակակիրների թիվն անցել է 235,000-ը, նրանցից 166,000-ն առողջացել են։ Վիրուսից մահացել է 34,000 մարդ։ Իտալիայի 20 շրջանից 7-ում վարակի նոր դեպք չի գրանցվել։
