Մեկնաբանություն.Հայաստանի Սահմանադրական դատարանի նախագահը և մի շարք դատավորներ կազատվեն զբաղեցրած պաշտոնից

Հայաստանի Ազգային ժողովն ընդունեց Սահմանադրության փոփոխությունների մասին նախագիծը:

Փոփոխությունների համաձայն, ՍԴ-ի այն դատավորները, ովքեր պաշտոնավարել են 12 և ավել տարի, կհեռացվեն ՍԴ-ից, իսկ դատարանի նախագահ Հրայր Թովմասյանը կշարունակի պաշտոնավարել, սակայն չի լինի Սահմանադրական դատարանի  նախագահ: Հաշվի առնելով, որ Թովմասյանի պաշտոնավարման 12 տարին չի լրացել կարող է շարունակել աշխատել ՍԴ անդամի կարգավիճակում՝ մինչև 12 տարին լրանալը: ՍԴ գործող 9 դատավորներ ավելի քան 12 տարի վարել են զբաղեցրած պաշտոնը: Թափուր մնացած տեղերը կլրացվեն մեկամսյա ժամկետում:

Եթե ՀՀ Ազգային ժողովի ընդունած   նախագիծն օրենքի ուժ ստանա, ապա կդադարեցվեն 12 տարուց ավելի պաշտոնավարած Սահմանադրական դատարանի դատավորների լիազորությունները, և թափուր տեղերը լրացնելուց հետո դատավորներն իրենց կազմից կընտրեն ՍԴ-ի նոր նախագահ։

«Լուսավոր Հայաստան» և «Բարգավաճ Հայաստան» ընդդիմադիր խմբակցությունների 43 պատգամավորներ բոյկոտել են քվեարկությունը:

Նախագիծն ընդունվել է առաջին ընթերցմամբ: Կողմ Է քվեարելել  Իմ Քայլը դաշինքի 88 պատգամավոր:

ՀՀ վարչապետ Նիկոլ Փաշինյանը բազմիցս հայտարարել է, որ երկրի Սահմանադրական դատարանը կազմված է «նախկին ռեժիմի կողմնակիցներից» և պետք է վերանայել դատարանի կառուցվածքը:

Չնայած կառավարության արմատական ​​բարեփոխումները կուժեղացնեն ճնշումը ընդդիմության նկատմամբ, թվում է, որ կառավարությունն այլևս պատրաստ չէր հետաձգել Սահմանադրության փոփոխությունները:

Նիկոլ Փաշինյանի և Սահմանադրական դատարանի միջև տարաձայնությունները առավել ակնհայտ դարձան այն բանից հետո, երբ ՍԴ-ն որոշում կայացրեց  ՀՀ նախկին նախագահ Ռոբերտ Քոչարյանին առաջադրված մեղադրանքների վերաբերյալ: Սահմանադրությունը խախտելու մեջ մեղադրված Ռոբերտ Քոչարյանի փաստաբանների բողոքարկման արդյունքում, Սահմանադրական դատարանը անցյալ տարվա սեպտեմբերին որոշում կայացրեց, որ ՀՀ երկրորդ նախագահի ն կալանքի տակ պահելն անօրինական է:

Այնուամենայնիվ, կասկած չկա, որ ՀՀ վարչապետ Նիկոլ Փաշինյանի կառավարությունը կարողացել է երկրի դատական  իշխանությունում  իր մրցակիցների զգալի մասին մարգինալացնել:

Ուշագրավ է, որ  Երևանի  կառավարությունն իր  ջանքերը կենտրոնացրել է  Սահմանադրության 213-րդ  և 166-րդ հոդվածների վիճահարույց փոփոխությունների մասին օրենքն ընդունելու վրա:

Վերոնշյալ հոդվածները վերաբերում են Սահմանադրական դատարանի անդամների և նախագահի պաշտոնավարմանը:

Ավելի վաղ նախատեսված էր Սահմանադրական փոփոխությունների վերաբերյալ հանրաքվե  անցկացնել, սակայն քանի որ   շշուկներ  էին տարածվել հանրային անհամաձայնության և կառավարության համար ցանկալի արդյունքներ չգրանցվելու մասին, Երևանի կառավարությունը հայտարարեց, որ  կորոնավիրուսի բռնկման պատճառով  հանրաքվե չի անցկացվի:

Այս առնչությամբ «Հարապարակ» թերթն ավելի վաղ գրել էր. «Կառավարությունը հայտարարեց, որ հանրաքվեն հետաձգում է կորոնավիրուսի պանդեմիայի պատճառով, սակայն այդ որոշման իրական պատճառը եղել է մարդկանց ավելի  մեծ պասիվությունը հանրաքվեի նկատմամբ»:

Ընդհանուր առմամբ,  կասկած չկա, որ  ԱԺ-ի այս որոշմամբ, Նիկոլ Փաշինյանի կառավարությունը մեծ քայլ կատարեց Հայաստանում  իշխանությունը մոնոպոլիզացնելու ուղղությամբ: Մինչդեռ, այս երկրի քաղաքական իշխանությունների գործընթացը ցույց է տալիս, որ ամեն օր ավելանում է Նիկոլ Փաշինյանի կառավարության  ընդդիմադիրների  թիվը: